نور القلوب

غنقلب على هاد الشريف اختي والقران كنطلقو باش نقدر ننعس
سجدة مكتحملووووووش غير نهدر عليه كتقندش وكتقولي باغي يقووولبك وهو لكان جبر ناداك نص ليكتبوليه مندخلش فيه زعما لكان سنيتليه على كلشي وآخر حاجة قاتهالي قاتلي ضاربلك اللعبة فالشكلاااط وعندو يد مع مغربية كتقرسو والعقروشة ديالو كاحليه تايشرب وكتبدا تجبذليه لسانو وهي لي قاتليه واش كتخاف منها سير حيادلها النص وكدير رأسها ظريفة باش تزيد تحشلك الركابي وعارفا كلشي علي وكترفد الخط عند امراة كبيرة وتامن صورتي عندها هاد قضية الخط وتصويرة قاتهالي واحنا طالعين زائرين الفقيه وتأمن صاحبو التمساااح داير يد معاها الكلام كثير انور انا غندير هادشي ليقلتلي ولهلا يخطيك اختي على وقفتك معايا خيرك سابق وعمري نسيتو

بالنسبة لراجل كنت كنتصل بيه ولكن الرقم مطفي والي فسيدي يوسف راه مشيت عندو واحد النهار ولكن لقيتو مسافر ومارجعتش مازال

توكلي على الله وزوري مقام مولاي عبد القادر الجيلاني في درب الباشا بالماركشية يسميوه درب داباشي كاين فوق من كافي فرونس تدخلي مع القيساريات على يديك اليمين وسولي على مقام الولي الصالح وملي تدخلي سلمي تحية الاسلام وأقراي الفاتحة على روحه صدقة واللي بغيتي تاع القران الى بغيتي تزيدي 
وفي الاخير ادعي بهذا الدعاء كنت دعيت بيه وربي ماخيبنيش سبحانه وتعالى 
وشد لي الحق في ناس ماكنت نعرف انهم في الوجود وكانوا يحفروا لي في حياتي بغا يخربوها لكن ربي سبحانه كبير 

قلت يا ربي كيف ما عليتي مقام وشان هاد الولي الصالح في وسط الخلق رغم انه مات زمان هذا علي شان ورفع مقامي 
يا ربي كيف نصرتيه على من عاداه أنصرني يا رب يا رب اني مغلوب فانتصر 
وبقيت ندعي ندعي بهذه الطريقة حتى بكيت لأَنِّي كنت في كية ماعالم بيها غير الله سبحانه فوق من ثلاث سنين وانا نعاني فاستجب لي ربي سبحانه بفضله ورحمته 
وتشفعت بمقام الولي عنده طلبت ربي سبحانه وتعالى 

هادي ماشي تجربة انما فضل من الله وريت ليك عسى تكون ليك فرج من هاد الأزمة الي تمري منها 

استجب لي ربي مع الاخذ بالاسباب وإذا ربي فتح ليك السبل ثيقي بي توصلي بحال السهم اللي مايخطيء الهدف نتاعه 

ونضت من مكاني وحطيت اللي قسم الله في الصندوق وخرجت 

كذالك كنت نتفرج على حلقة لمسلسل فكاهي وشفت فيه جملة نورت في عقلي كيف الشعلة ووليت ندعي بيها وسبحان الله يستجيب ربي الدعاء لكن لازم تكون الجملة مقرونة بالإخلاص في الدعاء 

وهي اللهم اقض لي حاجتي كذا وكذا ياربي على اهون سبب 

هادشي وريته ليك مع انه الواحد الى عنده سر مع الله يحتفظ به حتى لا ينتقص منه لكن أعطيتها ليك لانه تستاهليها لذالك وريها لمن يعرف بحقها ولا تحكي بيها لأي كان حتى لا يستهزأ بها 

نتمنى تعرفي قيمة اللي كتبت ليك لانه فعلا الله يكون في عوانك المطارق كثار اللي يضربوا برأسك فاعرفي بقيمة اللي وصلك في هاد الميساج 

دمت سالمة حبيبتي وكيف جاء في الذكر الحكيم بعد اعوذ بالله من الشيطان الرجيم 

وتلك الايام نداولها بين الناس

المنام اللي شفتيني فيه وكان راجل يشبه سعيد الناصري هذاك معناه باقي تسعدي وتكوني منصورة الى تبعت كلامي وهذا الرجل اللي قلت يشبه الممثل معناه لانه هو اسمر بزاف معناه يأكد التفسير اللي كتبت دبا لان الرجل الأسمر والأسمر غامق وحتى الاسود معناه نصر وعزوة ليك 

هذا معناه فاستبشري خيرا كل أحلامك ماشاء الله زوينة واخا كب هاد الروينة اللي دايرة بيك 

وناسي بيض وشهبين منورين ماشاء الله ماتسخاي من الشوفة فيهم 
والضرافات ويصبروا في حقهم ويتغافلوا لكن اللي عاصي ومفسد مايتعاتقوش معاه 
مايحطوا الدوسي متاعه حتى يجيب له التمام 

نتمنى ان شاء الله تعالى يوقفوا معاك ومانقدر نحكي لك اكثر لكن نتمنى جدا ذالك  لانه حياتهم كلها في نصرة المظلوم و كسر شوكة الظالم

نور اش خبارك أختي وكيدايرة مع هاد الجو
.أنا كنت دخلت فحرب مع نف

جوادك مازال معاك مامشاو فين غير مقلقين من جهتك بحال تقولي واخدين على خاطرهم من جهتك والله تعالى اعلم 
الزيارة الي كنت بغيتي تمشي ليها خفت تتقاسي من شي حد يكون زائر بحالك داكشي لاش قلت ليك زوري الولي الصالح ودعي له بالرحمة والمغفرة وعلو المراتب عند الله تعالى وصدقي ومريضنا ماعنده باس لكن مافهمتيش الميساج 
كنت قلت غادي تفهمك سجدة لانه كيف سبق وكنت شرحت ليك مرة في التلفون انه ماندخل لداك الباب وعالم اخور مايبغيو ناسي يدخلوه ماشي خوفا انما لأنهم خلق اخر والغاية في تصرفهم الوقر لكل الاطياف طالما كل واحد في حاله 

هادوك البنات الى مابعدوا من داك الباب ماغدي حد يجيب ليهم الضربة تاع التمام الا فعالهم لانه اللي يلعب بالنار الا ماتحرقوا وعقلي على هاد المثل وتفكريني نهار توقفي عليه 

ناسك حسوا بالغبنة وكالوا معاك العصا في كل السحور اللي دازت عليك 
عاونيهم بالذكر والصدقة والى كان حبيبة عسل ماتلحسوش كله 
الى مولفة معاهم شي صواب بلا ذبيحة ديريه

سبحان الله ربي كتب ليك النجاة ودخلت بلا شمع كنت خايفة تتقاسي من شي حد زائر او الله اعلم اش كان بالضبط  
مقام الولي الصالح عنده ماليه حاضيين سبحان الله العظيم 
حاشا واش محمقاني انما الزيارات ديالك لازم تبقى ذكر ودعاء للمقام الصالح والصدقة فقط لانه نجمك خفيف وفهمي اش نقصد الله يرضي عليك 

ديري صدقة الدراري صغار فانيد ولا كاوكاو وكسكسو كيف قلت وطلبي من الله سبحانه يبدل الحال لأحسن حال هكذا تكون دعوتك وزيدي اللي بغيتي من عندك

غندير هادشي لي قلتلي أختي كونك هانية ولهلا يخطيك علي شكرا بزاف انور وتادعاء غ غنقولو بنية التغير للأفضل

صباح الخير نور اختي اش خبارك وخيار الفراكيس
عندي منام الا ممكن تشوفيه حلمت راسي فصالون الحلاقة وزعما مع الدراري والبنات لي كيخدمو فيه صالون جواد بينكو بالضبط مهم شفت راسي كنهدر مع المسؤولة ديال الصالون اسمها رجاء وزعما قالتنا يالله كل واحد يجيب لابار ديالو بحال انا كليت بولو ليكلاص وعلى داك الجوا ولا الكاغط كنعطي 50درهم بحال شكل دارت مهم عطيتها 50درهم خضرا وفاش سالات هي الخدمة جابتلي الفلوس قاتلي هاش جاك عطاتني 600درهم كلها 50 درهمات ولي فالصالون بقاو يقولو وهانتي انتي كاع طلعلك كثر منا وانا نقولها راه مازال باقيلي واحد الكاغط قاتلي بلاتي وعطيهني كنهدر على ديال البولو شوية كنشوف فوق الناموسية ديال الاستيتك 5دراهم وهزيتها قتلها هاش لقيت قاتلي وانا راه ديال الصالون راه نجمعهم ونقسمهم عليهم وعاودتاني لقيت 5دراهم اخرى ودرهم وزوج دراهم ماحدي كنختش فديك الناموسية وانا كنلقى دراهم يا 5دراهم يا درهم وشوية مشاو يتغداو قاتلي اجي تأملي معانا راني غندير بحسابك ودمونديت سلاطة اش بالك هادي لي فهمت صدقة ولكن واش نخرجها ب 50درهم ولا دراهم عفاك لا متفهمني

سلام الربح والتيسير 

المنام الاول واش بغا تديري شي مشروع راه هو اللي باين بالضبط في المنام زايد مطلوب منك تصدقي كل فترة وتصدقي كل صباح عباسية 

والله تعالى اجل واعلم 

تدخلني معاك شريكة هداك هو الدومين ديالي فين تتخشي وتجبدي في الدراهم وهاديك هي العباسية والى ماعرفتها سولي مالين مراكش عليها 
تتعطي شي قدر من اول زبون يجيك داك النهار وتجمعيها كل اسبوع او شهر وتفرقيها على البصرى او الصندوق نتاع الولي الصالح سيدي بلعباس يعني ابو العباس السبتي
لانه الصندوق كل شهر عنده ناس تتفرق عليهم العباسية نتاع مالين السمارين والتجار وكاع اللي حال شي باب تاع الرزق والتجارة 
غير حاولي في يكون حلال زُلال لانه بنادم دغيا يجرك لشي عجب 
وجواد نسبة بجوادك و الكلاص خير ان شاء الله تعالى من الي وصفت ليك 

سبحان الله

المنام الثاني شي عتبة خرجت ليك صدقتها عتبة جديدة او باقي جاية غي الطريق يمكن اللي فسرت في المنام اللي قبل من هذا

والدار عندكم شي حد مريض ديروا الصدقة تدفع البلاء والبأس باذن الله تعالى وهي دواء كيف ذكر في الحديث النبوي الشريف 

خوك يمكن غادي توقفي له في شي باب ما ظنيتيش يصدق ليه وتُقَاد ليه طريق زوينة فيه الله يسخر 

الدون مطلوب منك تتداومي عليه لانه يمكن مازال محتاجة ليه يمكن وقفتيه وجوادك اعطاوك العلامة انه مازال خاص تكملي ولا تحسي لاباس وتوقفي 

هذه علامة زوينة انه صلح الحال بيناتكم بفضل من الله سبحانه وتعالى 

اي أسئلة الزين 

سلمي على سجدة وقولي لها تقبل بامر جاي في الطريق غادي تكون حائرة فيه راه زين ماتخاف امر دنيوي والله تعالى اجل واعلم

هههههه قتلتني بالضحك

ههههه ضحكتيني وليتي مراكشية هههههه ماقشبلت والو ياك 
فين ساكنة في مراكش ؟ 
عندك جردة في دارك ؟ 
الميمة عندك اللي تبان في المنام هي الملكة اللي محادية معاك تماما بمعنى تنكون دائماً معاك 

سجدة عندها شي مشكل ماعرفت بالضبط اش هو لكن هي غادي تسعى ليك في شي حاجة فيها صالحك وباين لي حتى ماماها بجوادها 
لكن كل شيء غادي يدوز بخير وهي صبارة واخا عصبية يمكن 
ماتتبان لي مزيان يمكن مستقبلا نعرفها اكثر لانه تنشوفها من خلالك باقي مافرزتها مزيان داكشي لاش ماعرفت اش عندها من مشكل واغلب الظن روحاني 
والله تعالى اجل واعلم