عزيزتي نور القلوب

سبحان الله مناماتك بقا ليها غير تبان ليك في الواقع قبل ما توقع هههههه
اش فهمت في منام داك الدري اللي امتنعت عن تفسيره ؟
لانه طاقتي وطاقتك خدمت فيه والعلم لله
نتمنى ليهم السلامة وانت بقا ليك شويش وتعرفي تفسري بحالي
عندك شي حاجة بينك وبين الله سترها وماتعاوديها لمن والى

عندي فضول نتعرف عليك اكثر هههه ممكن نتبادلوا الاّراء والخبرات
ونصيحتي إياك والغرور والحديث عما اتاك الله من فضله مع اي كان

دمت سالمة وايامك القادمة كلها أفراح ان شاء الله تعالى

دمت

نصيحة اخرى نسيت نكتبها ليك مع انه انا نفسي ننسى احيانا نقوم بها
منام ليلة ضريب الصداق كان بمثابة تحذير وكان ممكن توقفي كل شيء قبل مايفوت الاوان

حاولي تستمعي وتعطي أهمية لمثل هذه الرؤى لانه جلية مثل الماء العذب الصافي ماتحتاج تفسير وتأويل

[/hide]

ماشاء الله تبارك الرحمن عرفت تفسري المنام صح تبارك الله عليك
الى حبيتي ممكن تفسري معايا في الصفحة هنا بالمنتدى
واكيد التلميذ غادي يتوفق على أستاذه ههههه

نتمناو ليهم كل خير وأمر الله يتحول وتتغير معاه أقدارهم بما فيها افعالهم

لا تخبري احد بذالك من باب انه ربي سبحانه وتعالى يكتب ليهم ما احسن لان افعالنا ممكن تتغير وبذالك يتغير معها قدرنا وقدرة الله فوق كل شيء لانه يعلم السر وما اخفى ويعلم خائنة الاعين فما بالك علم الله محيط بالأقدار ولو انها ممكن تتغير شرط التغيير يتغير الفعل والله محيط بكل شيء وعليه رقيب

فهمت دبا علاش احيانا لا أفسر كل شيء

الشرف انني تعرفت على انسانة بحالك ولازم تتعرفي على القائمة على المنتدى شابة جدا طيبة وهي اللي كانت سبب وأنشأت هذا المنتدى الجميل والجميل فعلا بأعضائه

تحياتي

انت الجمال كله.. الله يكبر بيك يا غالية و الله تواضع منك و العين لا تعلو ابدا على الحاجب
لهلا يخطيك و مع الاذان ديال العصر لهلا يوريك ما يضرك يا رب و ينورك بنوره

سلام الزين اش اخبارك

مابغيت نحلف رجما بالغيب ولكن غادي نقول والله العظيم بأمره تعالى انت بنت مرضية ووالديك راضيين عليك ههههه
شفت اش كنت كتبت ليك تيتجدد عاودي طلبيه وقولي له عفاك شكون غير باش ناخذ بالي منهم
سوليهم بزوج وأعطيهم العهد ماتعملشي مشكل لانه احيانا تيكون ناس من العايلة لكن للأسف تيوقع مشاكل وهما مابغاوش تطيح العائلات في هاد المعمعة

سوليهم على الله يقولوا ليك

وسمحي لي بزاف بغيت نتصل بيك والو الله يستر هاد الفترة مفتونة وعين الخلق مبرقة علي دعيتهم لله يقيلوني ههههه
استغفر الله تقولي ماكاين غير انا اللي في الدنيا

اش اخبارك تهلاي وفرحت ليك بزاف والحمد لله على السلامة

لهلا يخطيك اختي نور .. دعي معاي يسر لي الله الشفاء
ان شاء الله نسولهم ها المرة
انا ان شاء الله دائما نوافيك بالجديد
الله يقويك حبيبتي و يخليك لأحبابك

اللهم اميين بالشفاء العاجل والأخبار السارة المقبلة يا رب

ضحكتيني في الرد الثاني هههههه
حبيبة كل شيء عادي ماعندك ماتخافي
العبار خاص يطّلع حتى يوصل للسبابة واللي عندك بغا شوية تاع الوقت
نعطيك مثال الى تكبت القهوة على ثوب ابيض وماتقرطت في نفس اللحظة
وقدامت البقعة سنين تعتقدي الى جينا نغسلوها واش غادي تطلع من اول مرة او ثاني مرة اكيد لا لانه يلزم الوقت والطريقة الصحيحة باش تغسليها باش تطلع البقعة وماشاء الله ربي سخر ليك زوج طرقان ماشاء الله سالكة فيهم
غير صفي النية وثيقي في الله انك على الدرب الصحيح لانه كل ماكان إيمانك بالله قوي ونيتك صافية كلما تشافيت بسرعة
شخصيا اومن بسرعة لاني واثقة ان ربي معي وسبحان الله يكون الشفاء بنفس الوتيرة

لست اشكك بنيتك لكن كلما كانت صافية كالماء الزلال كلما فتحت لك أبواب الشفاء على مصراعيه بامر الله تعالى وفي نفس الوقت طاقتك تساعد ولا تعاكس وهذه النقطة مهمة جدا

اذا تحبي تفهمي اكثر سأحاول ابسط وأستفيد بالشرح أكثر

الشريف الفاطمي راجل ضريف ههههه تلقايه اما طالع له الدم من شي قوم احنا مانشوفوهم وهو يشوفهم داكشي لاش بعض الأحيان تيكون عنده نظرة حادة لانه العين اللي يشوف بها غير اللي عندنا يسميوها العين الثالثة
وشخصيا لا أحب أبدا تكون عندي هادي الخاصية لانه من رحمة الله اننا مانشوفوش كل شيء اللي حوالينا هههههه.
وبعدي الوساوس من راسك بكثرة الاستغفار والتسبيح والصلاة على النبي خصوصا الاستغفار وقول لا حول ولا قوة الا بالله العلي العظيم والصلاة على النبي تخلي كل القيود تنفجر وكل مسدود ينفتح

ان شاء الله تعالى مابقا ليك والو ويدق شي حد بابك وهاديك هي العلامة

الحمد لله حمدا كثيرا مباركا ملىء السموات والأرض ومابينهما

اللي يدق بابك ماشي بالضرورة يعجبك انما فآل طيب واللي من وراه هو اللي عليه العين والقلب

من امبارح بغيت نكتبها ليك وماباقي كتبتها

كذالك اللي يدق الباب ماشي زعما يجي للدار انما يتقدم ويبان في الساحة فهمتك باش ماتتلفي ههههه

والله تعالى اجل وأعلم

سبحان الله و بحمده سبحان الله العظيم
فهمتك ا حبيبتي ههه
الله يزيدك من نوره و من علمه
لهلا يخطيك و الله يفتح عليك فتوح العارفين

ال

السلام حبيبة آش اخبارك

منام خالتك باين غير الى مابغيتي تصدقي فعلا اربعة زوج منهم تعرفيهم وزوج غادي عاد تعرفيهم يمكن واحد منهم من الاقارب او المعارف

منامتك معناتها كاين خطاب يجيو يطلبوا ايديك قبل ماتصفاي يعني بعدك في طور العلاج الروحاني اللي متبعة باذن الله تعالى
وكذالك معناتها هادوك الخطاب يمكن لازم تتريثي في القبول او انك ما أعطيتهم اي جواب لكن اللي مافهمت التفلة تقصدي بيها نبتة التفلة اللي يستعملوها في علاج الروحانيات عندها زهرة وردية وأوراقها خضراء طويلة ورفيعة شيئا ما ؟
ولا قصدك حاجة اخرى ؟
هادشي كله اللي فسرت اعطيه وقت وماتخليه يتعطل بطاقة الانتظار لانه لو استنيتيه يوقع ممكن يطول وهذا الشيء عنده سبب وطاقة سبحان الله عاد اكتشفت هادشي

كل ما خلينا الامور تمشي عادي بغير انتظار تتجي بسرعة  وإذا دخل عنصر الانتظار يمد الطاقة متاعه ويخليه مايجي بسرعة

أتمنى تفهمي القصد من الكلام وانت نبيهة ماشاء الله عليك
الوجود كله مبني على الطاقة واحنا بذذباتنا نحركوا الامور غي اتجاهنا او نعطلوها وممكن نخليهم ماتتحقق ابدا والعياذ بالله نتيجة طاقة سلبية تتخرج منا
وهذا تحقيق الحديث القدسي حين قال سبحانه وتعالى انا عند ظن عبدي بي فليظن بي مايشاء

لكن خلي بالك ليس كل من يتكلم في الطاقة فهو فاهم بالعكس قليلا جدا من يفهم في هذا المجال لانه لا حدود له وكثير منهم دخلوا في متاهات حتى وصل بعضهم بالكفر بالقدر والبعض الاخر دخل باب الإلحاد من أوسع ابوابه من غير ان يدري

سأحاول أحط فيديوهات لمدربين على مستوى حتى انشر الوعي بهذا الموضوع بالذات

قبلاتي غاليتي

ما شاء الله عليك و على علمك
نعم فهمتك اختي .. و انا تنقرا كلامك جاني لبالي حديث الرسول صلى الله عليه و سلم .. يستجاب لاحدكم ما لم يستعجل .. سبحان االه .. بصح كاين شي اشياء مخفية علينا و منها علم الطاقات .. و عجيب فاش تنتسناو شي حاجة توقع تتبان لينا المدة طويييلة و لا منين تبغيو نوصلو لشي بلاصة تتبان لينا طريق طويييلة .. سبحان الله .. و كيف ما قلتلي واحد المرة الفيزياء الكمية فيها تفاسير لهاد الحالات .. فوق كل ذي علم عليم
اختي انا قصدت بالتفل هاداك الورق د اتاي للي تيبقى فالبراد