نور القلوب

خمس مرات او خمس شهور وهي تخدم الشمع على آمل يشد ليها
على مابان الخدمة ماجابت نتيجة
ماكانت تعطيك نيتها واخا انت كنت تثقين فيها بزاف لأنك كيف العادة نية واللي يضحك ليك ماتديش في بالك اش تحت راْسه

ههههه وجه الكلب الله يلقيهالها

نور أختي

سلام قلب اللوز العود الممشوق وطرف العين بالهدبة معشق

منام زين فيه نجاة من امر معيب لكن مانفسره لانه باقي يبان وتفهمي المعنى من غير تفسير ولاتبيان
الى فسرته الان نحرق المراحل لكن فيه ستر وعون على كل مايتخاف منه
الرقم 15 عنده علاقة بحاجة مازال حتى هي تبان لا تستعجلي
فكري شويش وانت تفهميها لوحدك لانه بانت لي لكن مشوشة لانه انت مولاتها وتعرفيها احسن من عندي ويمكن مامخولاش نعرفها
تخصك ولوحدك تعرفيها

المنام فيه فرج اكثر منه تحذير

ماعرفت واش وصل المعنى ولا دوختك بزيادة

شكرا نور فهمتك أختك غيبالي كلشي مع الوقت هذا لي بغيتي توصليلي لهلا يخطيك أختي

القصد ماشي على الزيارة كلهم زيارتهم زينة بالنية الحسنة كيف ديما نقول
لكن القصد حاجة تتوقع او موازية مع الزيارة في الحدوث آشنا هي للأسف مشوشة الفكرة وغير واضحة لسبب ما في علم الغيب ومقصودة في نفس الوقت انها تبقى هكذا الا عليك انت لوحدك تعرفيها

نور شفت حربايا مخشية فوسط النعناع ولونها أصفر وكانت كتكبر بشوية فداك النعناع وأنا مخيفاش منها هي كتحاول توصل لوجهي باش تلعقني بلسانها وأنا نضربها تاتكمشت فبلاصتها

الحرباية امرأة والنعناع مشاكل او مشكل بعينه مخبية مابايناش هي فيه
الظاهر تتاخدي بالك منها ملي يصير دورها اكبر في المسالة لكن في الأخير ربي يقدرك عليها وتغلبيها بفضل من الله سبحانه وتعالى

والله تعالى اجل واعلم

فهمتك أختي شكرا بزاف اننور فعلا طحت فمشكل وعرفت الأفعى لي كتحفرلي

الله يحفظك من شر الوقت وشر الفتن

آمين أختي
حاليا كنحارب باش نحيذ الوسخ لي دارتو ديك المرض مؤخرا كنت كنوجد لحنة لالة مليكة وهي تجي عندي صاحبتي أول مرة تدخل لداري لقاتني تنوجد التبييتة وهي تعاودلي المنام وعرفت راسي المقصودة بالمنام سبحان الله المهم المنام فيه اشارة لتماريض عندي ولناس دخلو لداري وساكنينها وبالاخص فقيه غير مسلم يهودي انا هي تهدر وأنا كنقول هادشي علي انا وسكت موراها عيطات سجدة صاحبتي وكانت طالعة فيها الميمة وبدات تغوت علي قاتلي عندك رشان فناموسيتك ومديورلك التماريض وكاين راجل قصير كيتسارى فدارك عندو الحدبة وموسخ فقيه وفيدو السماااق بقات كتغوت علي على صلاتي وعلى فراشي وكتقولي بغاو يحشولك الركااابي ودارك معفنة بالشمع لي فيه آنا نضت نطير وبدلت الفراش كامل وسيقت الدار بالما الدون وطلقت الرقية وبخرت الدار بالعود وأنا كنت يالله مسيقة داري بيومين داك النهار تعجبت بحال عاد تحلولي عينيا وشفت كيكانت داري وفعلا كنقيل ناعسة من ليل الليل مانفيق تالستة العشية وننعس العشرة غير الحنة لي بغيت نديرها تعكستلي شحال من مرة ولكن تفضحلي فيها العجب المعجب كل يوم كنطلق القران فالصبح وكنعاون راسي بالدون ولكن منامتي مخربقين انور وعندي تشويش قوي

بالاظافة كيقيلو يوكلوني وأنا ناعسة كل النهار الجديد

اخترقوا الهالة نتاعك والعلم لله لذالك عليك بتنظيفها بالكامل
لي عودة باذن الله تعالى ونقدّم ليك كل في استطاعتي من نصائح اللي تفيدك في هذا الحالة

دمت سالمة غاليتي

آمين أختي الله يحفظك من شر الخلق

بسم الله الرحمن الرحيم

اول حاجة تاخذي الشبة والحرمل وتقراي عليها المعوذتين والاخلاص واية الكرسي وانت تدوريها على يديك سبع مرات ورجليك ورأسك
ومم بعد تطرقيها في الجمر تقريبا يوميا تبعي هاد الطريقة

تاخذي ماء طاهر مقري عليه اية الكرسي ورشي بيه قنات الدار كلها وقنات البيبان بحيث ماتمشي الرجل علي الماء ويكون العمل بالليل

نقي الدار مزيان بالملح في اخر تجفيفة يكون ماها نقي وفيه ملح صخري يعني الملحة الحية هاد التنظيف بالصباح بكري بخري الدار من وراها بأطيب البخور ماشي الجاوي

الجاوي مدقوق خلطيه بالحليب و رشي بيه الدار كلها بالليل بالسكات وبلا هدرة قبل من النعاس

دائماً وقتما خرجت من دارك صدقي اللي في القسمة بلا إسراف ولا تقتير عن طيب خاطر والي يستحقها من الضعفاء والمساكين اصحاب اليتامى والمعوقين

هزي معاك كموسة حرمل وخزامى وشبة وحب رشاد وعرعار وقراي عليهم الصلاة على النبي مائة مرة والفاتحة والاخلاص والمعوذتين واية الكرسي سبع مرات ومائة مرة اخرى الصلاة على النبي صلى الله عليه وسلم
وكمسيها في ثوب ابيض طاهر وهزيها معاك دائماً يا في شعرك مدفونة في المشطة يعني التسريحة او في يمين صدرك

هادي ماتتفوسخ غير حافظي عليها فقط من النجاسة

دهني زيت الزيتون في أطرافك ايديك ورجليك ووجهك ولو غير بحال الى دهنت ماشي لابد تدهني مزيان حتى تكلكي هههههه غير نفحة فيها البركة ان شاء الله تعالى

الدون مانوصيك راكي مولاته وطرطقيه في الحليب مع الماء

نهار الجمعة مع الوقفة غسلي بماء مرقد فيه هذه السورة
النبأ الملك الرحمن النصر والأعلى واية الكرسي

تكتبيها كلها ليلة الجمعة بقلم استيلو احمر ورقديهم في ماء طاهر قياس لتر حتى الجمعة مع الوقفة عصري الورقة من بعدما حكيتيها مزيان ونشفيها وحرقيها من بعد

لتر ماء القران خلطيه مع ماء دافئ للغسل في البانيو بالطاسة تاخذي الماء وتغسلي كل جسمك طرف طرف مع الدلك للخارج بحال الى تتسلتي شي حاجة الأطراف العليا بحال تسلتي تريكو والاطراف السفلى بحال تحيدي سروال او كسوة فهمت كيفاش القضية دروكا ، ماتنسايش رأسك والشعر والأذنين للداخل بحال الى تغسلي كل منطقة في جسمك وماتخلي بلاصة

والماء نتاع الغسيل يتجمع ويترمى في شجرة بعيد عن الرجل
ملاحضة مهمة المكان اللي دخلت منه البانيو تخرجي من الجهة الاخرى نتاعه ماتعاودي تخرجي منين دخلت قبل الغسل

وبخري كن وراء الغسيل مباشرة ببخور طيب مع ايزاز يغطيك بلا ماتمسحي الماء نتاع الغسيل بمعنى ماتنشفيش ذاتك بالبخور الطيب بحال العود والمسك تنشفي مع حرارة المجمر من وراها لبسي الملابس الداخلية كلها بيضة بدون ألوان او اسود

والي كنت لابساه قبل الغسل حطيه في ماكينة الحوائج يتغسل ومن وراها صدقيه لمن بغيتي من المحتاجين وعطريه من قبل

هاد الغسل ممكن تعمليه اي جمعة اخرى حبيتي المهم التوكل على الله هو الشافي والذكر والصلاة على النبي خلال الغسل والتبخير وحاولي في البخور تتغطاي بالايزار باش تستّري عورتك وفي نفس الوقت تاخذي اوفر حظ في البخور

هادشي كله يفتح ليك النصيب باذن الله تعالى لانه تتكوني دخلت في هالة منورة وزينة

داك النهار الجمعة لقيتي تزوري مقام ولي صالح تدعي معاه وتصدقي ماقسم الله يكون مزيان ماقدرت وخفت تمرضي لا أشكال أبدا غير زيادة الخير خير بلا تكليف

نتمنى تديري هادشي وستري شغلك لا تبعك فيه العين ومن الاحسن ديريه لوحدك او مع اللي يحب ليك الخير بحال الوالدة الله يخليها ليك

شكرا

نور أختي آنا اليوم جيت لدارنا المهم بلي حطيت رجلي فدارنا وأنا الوجع فكرشي اتكيت باش نرتاح كنشوف لميمة وماما كيعاونوني باش نتقيا ولي عقلت شفت لميمة عندها نفطة عامرة قيح وطرطقتها وداك القيح بحال قاسني في فمي وبقيت نتقيا نتقيا مادة صفراء وهي تقولي نوضي نديك عند العوادات يعاونوك تتقياي

روحي عالجي رأسك باين الدقة قوية هاد المرة
علاج تحيد سحر متعرضة ليه اختي يمكن جوادك اعطاوك العلامة ويمكن عندها علاقة بالموعد اللي كانوا اعطاوك نهار 15
تنظن ماواكلة توكال لكن واكلاها في عظامك والعلم لله وحده

كلشي ممكن انور أختي غير نرجع من دارنا نطلع لديك البلاصة لي قتلك

حتى مولاي ابراهيم خرجت ليك الزيارة والعلم لله

العلم لله فدوى تتخلص في حياتها السلامة يا ربي
انت داكشي اللي صابك خفيف الحمد لله واخا عذبك شويش بالحق قديتي عليه بشي حاجة درتيها او غادي تديريها العلم لله آش هي بالظبط
أحلامك مع داركم واحبابك شي حوائج باقي تبان ليك فيها خير صبري وهي المنامة تعبر لحالها

المنام فيه اخبار جاية احسن من اللي فاتت توكلي على الحي الْقَيُّوم وبإذنه تعالى غادي تفرحي

شكرا بزاف انور أختي على التفسير وجمعة مباركة أحبيبتي