نور القلوب

السلام قلب اللوز

كنت مسافرة الزين داكشي لاش غيرت هاد الايام
المنام الأخير ننصحك بلا ماندخل في التفاصيل وما تفسر المنامة انك تبعدي عن ايطار الفاميلة. خصوصا عايلة خالك بلا ما تسولي يكون أفضل
باذن الله تعالى كل شيء زين غير خفي رجلك وتداخلك معاهم هاد الفترة الجاية
يكون ليك أفضل بالدرجة الاولى
وردي معايا البال الله يرضي عليك في هاد النصيحة


المنامات الاخرى كلها إسقاط على حياتك راكي عقت بيها لوحدك
حافظي على اللي عندك حاليا وخليك في حالك راه اللي جاي خاوي وماينفعك بوالو

نتمنى نكون وصلت الميساج مزيان

على سلامتك أختي
وشكرا لي جاوبتني ديما محمقاك نور أختي عافاك ديني على قد هبالي وعطيني ليديتاااي حيث قضية شمعة موف وصفر شعلتو ووليت طفيتو لي وتراتني وتاقضية خالي مدخل الدقايقية لدار دارتلي الفضول
بالنسبة لدار خالي كنشوفهم من العيد للعيد وفدار جدي علاقتنا مقطوعة وأنا مكنعتبش عندهم.

اعفيني الزين
المنام مافيه مايتفسر لانه صراحة منام مازين ونتمنى يكون باذن الله تعالى من الشيطان ومايضركم جميعا
المشكل الى بديت نشرح كيف والو يوقع الله يحفظ ولو نعطي اشارات لذالك اكتفيت بالنصيحة ومادامك بعيدة بعدي قدر ما أمكن بكل الأشكال كما لو أنك في عالم اخر

شحال من منام الى مايتفسر باذن الله تعالى لا شر فيه

مادام قلتي هاكا الا وكاين شي قنبلة ذرية فدار خالي هههههه
الله يبعدهم عليا أختي ويبعدني على صداعهم وبلاهم ولهلا يخطيك الزيين

بغيتي تجري لي اللسان هههههههه

هههههه هههههه وعلاه نقدر توحشتك الزين

نور أختي عقلتي على منام السيد لي ناعس مع ماما بغيتك تفسريهلي عفاك أختي حيث البنت لي معاها داك السيد بدات تخرج نيابها وبغيت نفهم تفسير منامي

رجعت للمنام واللي في بالك راه كله صحيح
جمعي قلوعك قبل ماتدور فيك لانه ناوية ليك نية ماهي هاديك
كيد النسا واعر وانت بنت الناس ماشي مستواك
الاحسن تنسحبي بهدوء حتى تفوت الموجة
وكل اللي في المنام راه باين ليك غير حيدي ماماك من الهدرة و القصد عليك
اي استفسار عاودي كتبي لي
السطور الاولى ماتنساي تركزي عليها راه فيها ميساج قوي ليك

والله تعالى اجل واعلم

سيري الله ينورك ويزيدك نور على نور قولي آمين
انا باقة مع صاحبو وهما تفارقو واتصلت بيا تشكيلي وقتلها تاانا تفارقت مع صاحبي وقبل هادشي صاحبهأ وصاحبي سولوني على مدة صحبتنا وحسيت من ورا الكلام بلي السيدة ممرتاحاش من جهتي ماعلينا قبل ماتفسريلي جبدت راسي وصاحبي نبهني اي حاجة توقع بيني وبينو تبقا بيني وبينو لا فلوس ولا كادويات على مافهمت كتقارن بيني وبينها

نور أختي شنو تفسير المسمار شفت لميمة تهدر معايا وكتقولي هاد المسمار عاد جديد لاحوه علينا وكنشوف مسمار مصمرينو فواحد الكرسي خشب ومحطوط فلبالكون ديال الدار دخلت الكوزينة لقيت الضوء مقطوع وخويا أحمد قالي صافي بداو يقطعو الضو المنام ماريحني وحاسة شي حاجة فدارنا جديدة وزعما لميمة كتقصد بالكلام وحدة من نسا خوالي نيت لي نهيتني عليهم مانمشيش نهائياً عندهم.

يحيا ليك امر من بعد ما فقدت الأمل فيه ، شوفي انت أحوالك وغادي يبان ليك المعنى والتفسير

الذهب والضمانة يمكن الوالدة تمر بوعكة صحية او عليها ضيق معين محتاجة تكوني جنبها فعليك بالسؤال عليها حاولي تعرفي حتى ولو حاولت تخبي عليك
المسمار والضو هادي ظروف تمر بسلام باْذن الله تعالى فلا داعي لتهويل الامر
غادي تمر بسلام كيف غيرها

نور شكرا أختي بزاف على الإجابة كنهضر معاها كل نهار تقريباً
نور هادي شفتها وأنا فجبل شمهروش زايرا
عارفة راسي حمقتك بالمنامات الزين السموحات أختي

آش بينك وبين دوك البنات ؟
درت الدون او فكرت تديريه وعكزانة مازال
حاسة بالغبن لكن لا داعي كيف ما قال ربي سبحانه وتعالى في الكتاب الحكيم
وتلك الايام نداولها بين الناس صدق الله العظيم

الزيارات زوري دائماً لما تكوني مرتاحة او في ظروف جيدة نفسيا يكون أفضل
جاوبي على السوال باش نكمل التفسير ان شاء الله تعالى

مابيناتنا والو كانو فواحد العهد صحاباتي حاليا بدلت المدينة وانقطعت اخبارهم عليا بالنسبة لصابرين كان وقع نقاش بيناتنا ولكن تصالحنا من بعد وصفينا الخواطر

اللدون مداوماه أختي

صابرين وسارة كنت متاكدة سبحان الله انه لا علاقة لهم بالمنام لكن فقط أردت التأكد قبل ما نفسر باقي المنام

صابرين من الصبر وسارة من السرور والفرح فبعد كل صبر سرور و مفتاح الفرج الصبر

عليك بالدون يبدو والعلم لله تيوافقك بزاف وربي مسهل ليك فيه الدواء والتيسير في كل امورك ، يعني داوميه هو مفتاح الفرج والسرور وعليك بالصبر رغم طول الانتظار فلابد ان تتبدل الأحوال وقتما شاء الرحمن بعفوه ومنه وكرمه سبحانه وتعالى

منام تبليغ بعاقبة من يصبر ينول الخير في عاقبة الامور ما يرجوه ويتمنى باذنه تعالى

شكرا انور أختي لهلا يخطيك أختي

نور أختي مساء الخير
اليوم شفت راسي عند واحد الولد كيرفذ الخط كنعرفو سميتو معاذ كنت كندير عندو تا الغسيل بمعنى الكليع وسمحت فيه لانو نهار التالت لي غاذي يقلعلي مشا حضر فليلة وخلاني بلاكا
المهم هاد ليلة شفت راسي عندو انا وواحد البنت نيت هي ليوراتولي دخلت لبيت لقيت صالون فالارض مفرش وداخل صالون حمر ملكي مفرش زعما بيت فبيت ولقيت الكارطة مشتة فالأرض وواحد الكارطة محطوطة فوق الطبلة وأنا نربع على أساس غيقرالي الفال وانا نهز ورقة من الكارطة لقيتها تصويرتي وأنا نتخلع وتعجبت تصويرتي شكادير عندو وقلبتها لقيت راسي جالسة فمجمع وفيه داك المجمع الراقصة وأنا مع ناس ومعانا بنت كنا ربعة وتافقت وتوضحتلي الصورة في هداك ريسطورو ايمورود فمراكش كنت تعشيت فيه وفعلا كنا 4دالناس والراقصة كتشطح عدنا فطابلتنا ماعلينا فديك التصويرة لي فيها انا وصاحبي وصوفيا وصاحبها لي هو نيت عينو علي حلمتو كنشوووف الشمع حمر وفيه كتابة بالاكحل مكتوبة فديك التصويرة وأنا نهز تصويرة ونقول لنجاة شوفي شحال دخدمة الشمع خدمو بها وزعما هاد التصويرة جايباها بنت لهاد موعاد باش يخدم والشمع مكانش مخدوم ليا بحال مخدوم لصوفيا وصاحبها وتاانا قايسني هاكا شفتو فالتصويرة وهو معاذ يقولنا سكتو راه عندي الباشا فلبيت لاخر وراه حاضر وأنا بحال حسيتو حاضر فصالون الاحمر ونضت كنتغلغل من بلاصتي وتنطل من شرجم قتليه ولا فعلا راه حاضر بغيت بلحمر يجزر ويجيبلي حقي ياك انا بنت الجزار بغيتو ياخدلي حقي فلي كيتعدا علي وماماه عاد انتبهت لها كاينة معانا وهي تقوليه مال البنت قالها بنات حال هما هادو وزعما انا جالسة ومعايا نجات ومعاد الداخل فصالون دخل ولي عقلت جا عندو راجل فقيه بجلابة زرقا وكيدق فلباب وأنا نقوليه صبر نعيطليك ليه وعيطت معاد تكلم لفقيه وفقت .
فاش انور ختي كنت مع هاد صاحبي وفعلا من بعد داك العشاا وقفت علي ميرا وطلبات مني نهبط لسيدي علي وطلبات مني ندوز نوبة بلحمر وقاتلي فلمنام واخا توصلي 12دليل دوزي نوبتك وصلت لمكناس معطلة وواخا هاكاك دوزت نوبتي بليل ولقيت النوبة دالكزارة عند لميمة فلحفرة وملي رجعت لدار لقيت كاينة ليلة كناوة دايراها حدا الدار لي كريت جلست معاهم وتصنت لعظامي حتى طلع فيا الفقيه وطلبلي الزيارة عندو ومن تماك مشيت لداري ارتاحيت مزيااان عاد طلعت عند الفقيه عاد فهمت علاش كان عندي زيارة سيدي علي وأنا يالله كنت جيت منها عاد فهمت ميرا علاش صيفطاتني تماك .اه عقلت ضربت موعاد بالكارطة وقتلو الله يلقيهالك

اختي قلب اللوز

ماعندي مانزيد على كلامك شرحت ووفيت ، دروكا كتبت لي باش تتأكدي من ضنونك ولا تحكي على التحذير اللي كنت نبهتك عليه
صراحة ماتحتاجي اللي فسر ليك كل شيء باين وجوادك ماقصروا
لكن ننصحك تردي البال باش مايخلط عندك المجمع لانه ناسك الله يعمرها دار ردي البال

الفئران عديان ضعيفة الكيد

لهلا يخطيك أختي تاانتي راك شرحتلي قبل ونبهتني وفعلا قبل هاد المنام جمعت وطويت معاها من نهار حدرتني اوا العفو لهاد البشار أنتي معاهم بالنية وهما يقلبو يدفنوك
شكراً بزاف انور عندي سؤال رقم 5 لاش كيرمز فحالتي حيث كنشوف الشمع بالخمسة مشعول.