كيك بشكلاط و فلان

من طرف **ماجدولين000** السبت أبريل 30, 2016 7:36 am

سلام حبيباتي ليوم غادي نحط ليكم واحد الكيك بشكلاط و فلان كنت شفتو و جربتو و كيجي خفيف و زوين بزاف و غادي نحط المقادير و الطريقه و الصوره باش تشوفو كي كيجي زوين بزاف و يصلاح يدار في رمضان
هاد الكيك فيه 3 طبقات و كل طبقه غادي نحط المقادير ديالها و طريقه ديالها نتمنى يعجبكم
المقادير .

الطبقه 1 الجينواز :
2 بيضات
زلافه صغيوره سنيده
6سل زيت
6سل حليب
1 ساشي فانيلا
خماره حمراء
2معلق كاكاو
100 غ طحين
طريقه :
كنضربو البيض مع السكر و كنضيفو المقادير الاخرى و نخليو في الاخير الطحين و كاكاو نخلطوهوم و نغربلوهم و نضيفوهو عالخليط و حنا كنحركو و نديروها في مول و ندخلوها فران نشعلو عليه الفوق و لتحت و نخليوها حتا الطيب مده 40 دقيقه و درجه الحراره 180
فاش تقرب تخرج خاصنا قبل نوجدو السيرو باش نسقيوها و اللي لي كيتكون من كاس ماء و ملعقه قهوه سريعه الدوبان كنديرو الماء كيغلى فوق النار و نزيدو عليه القهوه و نخليوه يغلى شويه و نجبدو حلوه ديالنا و نبداو نسقيوها بي سيرو مزيان و نخليوها جنب

ندوزو مقادير الطبقه الثانيه :

بسكوي سابلي ولا اي بسكوي اختياري 20 حبه
2 ساشي فلان لي كيتباع قياس الكبير و نكهه لي بغيتو كراميل ولا شكلاط
1/2 لتر حليب
القشده الطريه

كناخدو البسكوي و نهرسوه شويه ماشي نطحنوه و من بعد كناخد طحانه كهربائيه و نديو البسكوي و نزيدو القشده الطريه
ندوزو نصوبو فلان كنديرو الحليب و علبتين ديال فلان و نخليوهم يغلاو بحال كنصوبو فلان نقدرو تزيدو سكر الا كان فلان بدون سكر على حسب و نخدو الخليط و نزيدوه على الخليط الاخر في مولينيكس و نضربو كلشي حتا يتجانس الخليط من بعد كنضيفوه كطبقه ثانيه فوق الالعجين لي خليناها تشرب السيرو و ندخلوه للثلاجه حتى يبرد مزيان فاش نشوفوه شد راسو مزيان ندوزو نوجدو الطبقه الثالثه

مقادير الطبقه الثالثه :

نحتاجو علبه شكلاط حجم كبير ديال الحلويات
دانون مسوس طبيعي او يمكن تديرو القشده الطريه على حساب لي متوفر عندكم

ندوبو الشكلاط و نزيدو عليه دانون و نحكو مزيان نخرجو الحلوه ديالنا من ثلاجه و نزيدو هاد الطبقه و نقادوها مزيان و نرجعوها للمبرد نخليوها ليله كامله و لغد ليه خرجوها و تزينها باش مبغيتو علا حساب الدوق ديالكم اللوز او شكلاط محكوك

و بصحتكم انا نحط الصوره ديالها و نتمنى تعجبكوم انا جربتها 2 مرات و كتجي زوينه بزاف

كيك بشكلاط و فلان Abqgl3