قصة أشرف و كتاب شمس المعارف

الجزء الاول#
هادشي لي غادي نعاود عمري كنت كنتخيل راسي نوصلو ...و عمري فكرت نعاودو لشي واحد ! هادي ... قصتي قبل منبدى خصك
تعرف راسك راك فهاد اللحظة مكتقراش قصص جحا وال أطوالي ... تيق وال كاع ال تيق ! المهم عندي هو تستافد من أالخطاء لي درت و تحاول مطيحش فهادشي لي طحت فيه هادشي كامل بدى العام لي فات و بالضبط شهر 8 كنا مخيمين فأكادير و بالضبط فحي الخيام ...ناشطين و الدنيا زوينة و ناس حنينة ! فحال أي واحد فدك الفترة ديال العطلة كان خصني غير نتسارى و نبدل الجو و نساو لهموم ... جابتها الوقت واحد عشيري تقطعت ليه سبرديلة و ديناها للخراز يعدلها تما فأغراس نيت ) ناس أكادير كيعرفو هاد االحياء ( ... مهم مسألة عادية خليناها ليه و مشينا فحالنا ! من بعد شي 3 أيام رجعنا مور السبرديلة ! وقفنا لقينا واحد السيد مع الخراز عندو اللحية و أسود البشرة و البس جالبة و داير القب واخا هوا الموت ديال الصهد ... المالمح ديال دك السيد عمري ننساهم فحياتي ... كانو كيهضرو بيناتهم من خالل طريقة الكالم و التعابير ديال لوجه ديالهم عرفت بلي الموضوع لي داير بيناتهم مقود ! منين وقفت السيد شاف فيا و سكت و شاف فالخراز فحال لي قال ليه بعينيه سكت بالتي تا يمشوي فحالهم ... قلت للمعلم دك االرماكس واش مسالية ؟ شاف فيا و تقول ماتت ليه مو ! تالف غير بوحدو ... مجاوبنيش ! بقا كيقلب عال السبرديلة و هيا محطوطة حداه ... أنا واخا شفتها مبغيت نقول ليه والو ! قلت فخاطري هضرنا معاك وا جاوبنا أثبي ... دار لعندي و قالي ساعة و عاود رجع ! ماشي مشكل و المسألة عادية تاحنا معندنا ميدار ... مشينا دخلنا للمحلبة كلينا و ريحنا فالجردة كمينا ! ضربنا دورة و رجعنا للعند الخراز ... المنظر لي شفتو فدك اللحظة جاني غريب و فشكل ! لقينا داك السيد باقي مع الخراز و كيبكي و يغو ت و كيهضر بالشلحة ... مفهمناش شنو واقع ! الخراز براسو حسيت بيه مخلوع كثر منو ... معرفنا منديرو و أصال مفهمناش شنو كانو كيقولو ! الحاجة الوحيدة لي بقات الصورة ديالها قدام عيني هيا منين رمى لكتاب عال الخراز و قاليه : أنا و هللا تا نشعل العافية فكلشي و نشنق راسي و نتهنا ! و رمى عليه واحد الكتاب و مشى كيغوت ... أنا و دري لي كان معايا مفهمنا والو ... الخراز تا هوا بولحية هز لكتاب و كيقرى القرأن بجهد و مخلوووووووع ! درت فصاحبي قلت ليه مال هاد ثبي هاز قنبولة وال ؟ حط لكتاب و بقا كيقرى و مغمض عنيه و حاط يدو عال راسو ... أنا صراحة تخلعت ! هزيت السبرديلة و حطيت ليه 10 دراهم و زدنا فحالنا ! حنا زايديين و الصوت ديال القرأن كيتسمع فوذني ... صاحبي قالي هاد الفقهى بداو يحماقو ! صافي مشينا و نسينا المنظر ... كملنا تخيمة بخير و رجعنا فحالنا ... دارت األيام و بدينا لقراية و جات الشتيوة و بنادم خاشي راسو فالقوقعة ديالو ! جابتها الوقت واحد النهار نضت نقلب فواحد المكتبة ديال جدي الله يرحموا ... عامرة كتوبا ! باقي عاقل كنت بالضبط كنقلب عال " صفوة التفاسير " مؤلف ديال تفسير القرأن ... شوية و أنا نحبس ! شفت واحد الكتاب و دعيت هلل كون مكنت شفتو وال فتحتو ... " شمس المعارف الكبرى " أه هو هادا العنوان ديال الكتاب ! فايت شايف هاد الكتاب ... و لكن فين ؟ بالتي بالتي ! أه أخوتي هوا الكتاب نيت ... لي كان عند الخراز فأكادير

الجزء_الثاني

خوتي قبل منكمل الله يرحم لكم الوالدين ديالكم ... داخلت عليكم بالعزيز و الغالي عليكم متقلبوش على لكتاب و متحاولوش تقراوه ! راه غادي تخرجوا عليا أنا األول قبل متخرجو عال راسكم ! هادشي راه كنعاودو ليكم و حلفت باهلل منعاود نفكر فيه وال نزيد نقرب ليه ... و لكن مقدرتش ! تعرض عليا ندوز فبرنامج " قصة الناس " و مبغيتش حيت عرفت من بعد داكشي إما غادي نموت مشوه وال غادي نحماق ... من هادشي كامل غير باش تشوفو كيفاش بنادم من واحد المرحلة ديال الفضول و الثقة الزائدة فالنفس يقدر يهاجر نحو المجهول وال عودة ... مهم من بعد ما جبدت لكتاب و من خالل الشوفة األولى عرفت شي حاجة غادي توقع فحياتي ! حيت المنظر لي وقع فأكادير ماشي عادي قريت العنوان ثالتة ديال المرات بشوية ... حاولت نفهم شنو المضمون ديال الكتاب من خالل العنوان ديالو ... و بحكم أن جدي كان إمام و عالمة فالدين و من الناس المتدينين و لي أثر فحياتي بزاف ! ظنيت أن الكتاب هوا مؤلف ديني .. فتحتوا و بقيت كندوز فالصفاحي ... الشيئ الوحيد لي الحظتوا هو أن اللغة المستعملة فالكتاب غريبة و معمقة و كلو رموز و إشارات ! قلت فراسي أواااااه جدي كان مقود كيقرى تا الماط ) الرياضيات( ... عاودت فتحت و بقيت ندوز الوراق و كوال ورقة كنت كنلقى معاها ورقة ثانية مكتوبة بخط اليد و الشيئ لي مأكد منو هوا دك الخط ماشي ديال جدي ... من بعد فهمت بلي دك لوراق هوما شروحات و توضيحات مفصلة لداكشي المبهم ! شديت و رجعت للفهرس نشوف شنو فيه ) لقيت هادشي لي فتصويرة ( قلت هادشي غير تخربيق ديال المتصووفين و دك العالم ... و لكن بحكم الفضول و دودة القراءة لي فيا نضت للبيسي و دخلت للغوغل و كتبت لعنوان ديال الكتاب و تما تصدمت و زاد الحماس ديالي و قلت هادشي فحال داكشي د االفالم ... لقيت بلي لكتاب هو أقود مؤلف عربي ديال السحر و تحضير األرواح و تسخير الجن ... عيني تفتحوا و وذني قلشو ! دوزت دك الليلة كاملة كنقلب فالنت و كنتفرج لفيديوهات و شهادات ديال ناس مات ليهم شي واحد مقرب وال تقلبت حياتو رأس عال عقب بسباب الكتاب ... شوية و بسبب الهول ديال داكشي لي قريت قررت نتراجع و منعاودش نقيص دك الكتاب ! زدت قلبت و خرجت بخالصة أن الكتاب محرم دينيا و كيحتوي عال شي حوايج أقود السحرة اليهود مقدروش يتحكموا فيها و بلي كاينين أربعة ديال النسخ األصلية مكتوة بخط يد الكاتب عال جلد حيوانات أسطورية ) دارو تحاليل و بحوث و مقدروش يلقاو شي كائن عندو نفس الجلد ( و كاينين شي فقرات مكتوبين بدم ... حيت عال حساب مقريت المداد لي هوا خلقو الله تعالى مقدرش يكتب شي حوايج فالكتاب من شدة الفظاعة ديالها ... و بلي النسخ المطبوعة هي مجرد تقليد و كيغلب عليهم طابع التحريف و عامرين أخطاء ... الحاجة الوحيدة لي مفهمتش هوا كيفاش جدي عندو كتاب فحال هادا ... ؟

الجزء_الثالت

منعستش دك الليلة بقوة التخمام ... مشيت الفاك فصباح و بالي كلو غير مع داكشي لي قريت لبارح ! و أنا لي عمري كنت كنأمن بشي حاجة سميتها السحر و الشعودة رغم أنهم حقيقية دينية و مذكورين فالقرأن و لكن ديما كان إيماني باهلل قوي رغم أنني مكنتش كنفهم شي حوايح فالديانة ديالنا اال أنني كنت متيقن بأن هاد العالم ديال الماورائيات و الخوارق هيا مسألة متجاوزة ! و بحكم التقدم العلمي و اإلنساني بزاف ديال الحاجات قدرت تبان الحقيقة ديالها ووالت مسألة بديهية ... و لكن من باب الفضول و حب االستطالع مقدرتش نكبت الرغبة ديالي ... رجعت للدار و مشيت عند الواليدة و بال منبين ليها بقيت كنسولها عال لكتوبة د جدي ! جدي لي حياتو كاملة دوزها فالمسجد وال بين لكتوبا ... لي فهمت من الواليدا هو أن دك لكتوبة نايض عليهم صداع كبير ! بحيث أن وزارة الثقافة دارت المستحيل باش تاخدهم ... أخر مرة جاو شي خبراء من العراق ف 2009 و عاينوا لكتوبة و تصدموا حيث لقاو شي كتوبا من العصور الوسطى ! بالعبرية و العربية و حتى رومانية ! لدرجة أن الدولة عطات للعائلة تعويض مالي كبير غير باش ياخدو لكتوبا و لكن كل مرة كانو كيرفضو حيت مأمنين بلي داكشي إرث عائلي ... راسي بقا كيحرقني و حرت واش نقرى وال نبعد ... خصوصا منين عرفت بلي راه محرم شرعا و مجرد القراءة ديالو كتعتابر شرك باهلل تعالى ! و لكن تانا فحال أي واحد كنت كنقول شمن محرم وال ذي القعدة ! أنا راه غير غادي نقرى و نثقف راسي حسن من ناس كيرتاكبو المحرمات فحال الشرب و الزنى ... و أصال كنت كنقول من المستحيل مجرد مطالعة كتاب تقدر تأثر علياا وال تزعزع النفسية ديالي ... و لكن لألسف نسيت أنني مجرد عبد ضعيف و رميت بروحي فالعافية و كيما كيقولو سخونية الراس كترجع بالبرودة ... نعلت الشيطان و بعدت من الكتاب ! دازت االيام تقريبا شي شهرايين نسيت المسألة ديال الكتاب ! واحد النهار شي جندي الح شي غروب ديال القصص المرعبة و دخلت نتسارى فيه ! شوية و هيا تبان ليا واحد البنت لبنانية كتعاود كيفاش قرات نفس لكتاب و طبقت شي تعاويذ فيه و والت عندها القدرة دير شي حوايج غرابين ! فأالول متقتش بداكشي و لكن من بعد دخلت هضرت معاها و بينت ليها بلي انا مهتم و عندي لكتاب و باغي نقراه ... فأالول متيقتنيش بلي عندي لكتاب ! صورت ليها و صيفطت ليها منو شي صفحات ... و تفاجئت كيفاش السيدة طلبت نمرتي و عيطت ليا من لبنان كتزاوكني منقراهش و بلي راها ندمت ! صراحة مع البنت قرطاسة و أنا مبغيتش نبان خواف قدامها ... مسمعتلهاش و قررت نقرى لكتاب باش مكان الثمن

الجزء_الرابع

من سوء الحظ ديالي تصادف هاد القرار الغبي مع العطلة المدرسية .... النهار االول فالعطلة فقت فصباح و دوشت من جنابة هههه توضيت و صليت الصبح ! شديت الباب د البيت و حطيت قدامي الكتاب وورقة و ستيلو ... عمري ننسى دك اللحظة درت ليه فحال شي واحد صومالي عطيتيه دالحة ! بقيت كنقلب الكوفيرتير و الظهر ديال الكتاب و قريت كلشي تا الكتابة صغيرة كاع ! فتحت أول صفحة و الكلمة األولى لي قريت هيا " الحرق " كانت مكتوبة كبيرة و مدورين عليها بقلم الرصاص ! أواااااه كيفاش الحرق ؟ دزت للمقدمة و قريتها 3 ديال المرات و تقول فهمت حرف فيها الكتابة بالعربية و لكن اللغة و النطق ممفهومش ... ياله فهمت شي كلمات بساط ! و فدك اللحظة تفكرت لوراق لي كانو وسط لكتاب ... نضت كنجري عييت نقلب عليهم فاالخير رجعت للبيت ديالي و لقيتهم حدى لكتاب ! قلت يمكن غير مشفتهمش مع الخلعة ! دك لوراق كانت فيهم ريحت الكوفار و مكتوبين بقلم الرصاص و بواحد الخط جميل ... لدرجة بعد المرات كنت كنسمح فالكتاب و نبقى نقرى غير دك لوراق ... كانو منظمين و مرقمين ! و أي حاجة فالكتاب كان الشرح ديالها بالتفصيل فدك لوراق ! 15 يوم كامال مشعلت ال بيسي ال تلفازة كننعس فالنهار و نفيق فالليل نقرى لكتاب و نسجل المالحظات و نرجع ننعس ! و كنقول لدارنا را عندي إمتحان خصني نبريباري... الصراحة دك 15 يوم عشت فواحد العالم ثاني واخا كنت مخلوع و لكن عرفت شي حوايج لي يمكنش العقل البشري يصدقهم ... مكنتش كنقدر نكمل شي حوايج ) كيفاش تنكح جنية ، كيفاش تقتل أدمي بسحر , كيفاش تتحكم فقوم ديال الجنون ، ... ( و بزاف ديال لحوايج منقدرش نقولهم ... حيت داخلين فالشرك بالله

#الجزء_الخامس

المدة كاملة لي قريت فيها الكتاب ! اتستغربت من الناس المتدنين لي عندهم واحد الرهبة و الخوف من واحد لكتاب لي عندو طابع " إسالمي "و هادشي لي مقدرتش نفهم ! كيفاش الدين ديالنا عندو عالقة بالسحر األسود ... حيت فمجمل الكتاب الكاتب كيستخدم أيات قرأنية و أدعية بل و حتى أسماء هللا الحسنى فالطالميس و طقوس تحضير و تسخير الجان ... و فبعض األحيان كيتقلب 360 درجة للكفر و االلحاد بشي هضرة و طرق أستغفر هللا مجرد التفكير فيها كيبورش لحمي ! نرجعوا للوقت لي ساليت فيه لقراية ديال لكتاب ... 20 يوم بالضبط ! منها 5 أيام ممشيتش الفاك ... نهار ساليت لكتاب حسيت براسي مثقف فواحد الشي لي قلة نادرة قدرت توصل ليه فهاد الكون لي هوا " الدمياطي " ... واخا مفهمتش فدكشي 60% رجعت لكتاب لبالصتو و حمدت هللا موقع والو ... بل بالعكس زاد اإليمان ديالي براسي و ترسخ عندي المعتقد ديال هادشي غا اساطير و خزعبالت ... دخلت نتكونيكطا و لقيت المساجات ديال سراي اللبنانية كتسولني فين وصلت و عالش التيليفون طافي ... و لقيتها داير بوبليكاسيون فدك الغروب سحابلها وقعتلي شي حاجة ! جاوبتها بلي كلشي مزيان و موقع والو و القراءة ديال لكتاب كانت تجربة مغنية و بلي داكشي غير تخربيق و بقيت كنتلوط عليها و نقولها زين فحالك مخصوش يخاف و كدا هههههه سيفطت لميساج و بقيت كنتسنى ... من بعد سحابلي بلوكاتني و لكن لقيت الكونط ديالها تبلوكا ... شهادشي عوتاني ؟ و جاني واحد الوسواس خايب بقيت كنقول البنت نتاحرت وال كنصوني فنمرة مطفية ... قتلوها الجنون

#الجزء_السادس

سمحولي أخوتي عال تعطيلة راه أول مرة كنعاود هادشي و كنظطر نوض نصلي منين كنحس بشي حاجة ماشي نورمال ... المهم البنت غبرت و الحد األن ملقيتش ليها أألثر ... بالي كلو بقا معاها حيت هيا الشخص الوحيد لي لقيتو قاري لكتاب ! أغلب الناس لي هضرت معاهم يا إما غير سامعين بيه وال مقدروش يكملوه بالقراية ! من بعد شي أيام بقيت كنحس بشي حوايج غرابين كيوقعولي ... مبقيتش كنقدر نفصل و نحدد األوقات مثال 3 ديال لعشية كيسحابلي 8 ديال الصباح وليت قليل لهضرة و بنادم بزاف الحظها حيت كنت ضحوكي و عزيز عليا النشاط ... و هادشي غير البداية ! وليت كنحس بواحد االحساس فشكل ... نفس االحساس منين كيكون الواحد كيهضر وسط أالف ديال الناس كنحس براسي وسط جمهور ديال عباد هللا ... فأالول حاولت نقنع راسي بلي هادشي مجرد تأثير نفسي من الخلعة ديال داكشي لي كنفكر فيه و لي قريت فالكتاب و لكن من بعد األمور بدات كتزيد بواحد الوثيرة رهيبة ! فقت واحد النهار فصباح لقيت عندي فيدي بجوج شي حاجة اللون ديالها قهوية ... سحابلي شي صباغة وال ستيلو قاصني ... مشيت غسلت يدي و مبغاش داكشي يزول ! وريتو للوالدة و هيا تصدم كلساتني و بقات كتقرى عليا القرأن و جابت الماء د زمزم و شربتني منو و رشاتو عليا ... قبل من هادشي كامل عيطت لواحد لفقيه صديق العائلة و قاتلو يجي ضروري ! أنا عرفت دك الساعة بلي قودتها ديال بصح و الكتاب عاد غادي يورني شغلو ! جا سيد وراتو الواليدا شنو كاين و أنا مخلوع و مقادر نقول والو ... بدى كيسولني شي أسئلة فشكل ) واش حسيتي بشي حاجة أنورمال فطاواليط ؟ واش كتستحلم بزاف ؟ واش قريتي شي ورقة فيها كتابة غريبة ؟ ... ( و أنا كنجاوبو و المهم عندي هوا منجبدلوش لكتاب ...من بعد شرحلي بلي هادشي لي فيدي هوا حنة و بلي لبراح كان العرس ديالي و تزوجت من جنية ! كيف قالها غوت واحد الغوتة سناني بغاو ينقزوا : جنييييييييييييييييية .... عمري تخلعت فحال دك اللحظة بقيت كنقول أش داني لهادشي و كيفاش غادي نشرح ليهم بلي قريت لكتاب ! بقا كيهدئ فيا و قالي متخافش غادي نبطلو هاد الزواج بإذن هللا ! ناض جبد واحد لكتاب و جاب حفنة ديال الملح و قالي نشدها فيدي ! لواليدا واقفة حدايا وانا مقادرش نشوف فيها .... بدى الفقيه كيقرى عليا و مرة مرة كيبزق لي فيدي ... تا لواحد اللحظة ناض جمع حوايجو و زاد ... حنا كنهضروا معاه و هوا فحال لي تزيزن ! تصدمت فدك اللحظة و الواليدا تابعاه تال الزنقة و هوا غير فات باب دار بدى كيجري ! مبقيت عارف مندير ! جاتني البكية فدك اللحظة و لكن ترجلت و مبغيتش نبين للوالدة وانا نقلبها ضحك : ميمتي صافي درنا الباس ها مراتي غتجيب لينا لي بغينا ولينا مناسبين مع شمهروش هههههههه .... لواليدا شافت فيا واحد الشوفة ! أقسم باهلل تا 20 عام فحياتي عمري شفت فحالها ... فحال لي راني فحبل المشنقة و ... ! غادي تشوفني أخر مرة

الجزء_السابع

! أخوتي هادشي و الله مافيه الزعامة را حتا أنا بديت هادشي غير بالفضول فحالكم و وصلت لما ال تحمد عقباه ! خليوي راسكم هانيين و خلونا ضاحكين ! و ناشطين ... أنا مزاوك
المهم من بعد عنقت الواليدا و قلتلها راه ميكون غير الخير بإذن الله ... الصراحة ميمتي تعذبت معايا بمعنى الكلمة ! دوزت دك المرحلة غير هازا المصحف و تبعاني ... كتنعس حدايا مسكينة و تبقى حضياني و كتدعي ! أنا فدك األيام مكنت كنبين ليها والو برغم العذاب النفسي لي كنت فيه ... فالنهار كنت كنكون تالف مكنعرف ال وقت ال زمان ! بعد المرات كيسحابلي حنا ف 2012 ... و فالليل كان العذاب األكبر ... كننعس و نبقى نحلم شي حوايج يقدرو يدفعوا بنادم النتحار ... منقدرش نقولكم شنو و لكن الحلمة لي كنت كنحلمها بزاف هيا أنني كناكل راسي و أنا عايش بواحد الشكل لي واخا نوصفوا متقدروش تخيلوه ! دازت ليام لي مكنتش كنقدر نحددها بحكم عدم االدراك ديالي ... و الشي لي كنت داير فبالي هوا بلي هادشي مجرد صدمة نفسية و التبعات ديال الخوف ... تال واحد الليلة بضبط مع 3 دليل ضربتني الفيقة لقيت راسي كلي دم ! فاالول سحابلي كنحلم من بعد لقيت راسي راعف ... نضت بال متحس الواليدا و غسلت و بدلت و رجعت نعست ... الغد ليه تعاود نفس السيناريو و فنفس الوقت ! قلت غير صدفة ... و لكن النهار الثالث قررت نبقى فايق تال 3 ! و تما عرفت بلي هادشي ماشي نفسي وماشي عقلي ... هادشي بصح أخويا أشرف ! و كانت غادي شفت تا عييت و عاودت كلشي للواليدة ... دك الليلة كاملة دوزتها بكى حيت هيا تحرق لكتوبا كاملين ! باقي عاقل 5 د صباح و ميمتي كتغوت فحال شي حمقة لي كانت عارفا و شايفا شنو داز عال يد جدي ... بقينا هكاك تال الصباح ! مشينا للطبيب ... و لكن كل ليلة كانت كضربني الفيقة مع 3 ديال الصباح فوسط الدم ! لدرجة ديما لقطن فنيفي ... طور األمر و وليت نحس براسي غريب و فحال لي هاز الثقل عال ظهري ديما ! لواليدا هضرت مع واحد السيد من العائلة و قاليها بلي غادي يجيب لينا واحد الفقيه مجهد من تارودانت من هنا شي 5 أيام ! أنا فدك الليلة مدانيش النعاس و قلت نخرج نضرب ضورة مع 4 د الليل و كان فبراير دك الساعة ... حس بنادم مكيناش ! بقيت غادي و كنخمم و عمري فحياتي محسيت براسي فدك الوضع ! الخوف محسيت بيه ولو شوية ... تا لقيت راسي وصلت للواد ! أه الواد فشهر 2 و 4 ديال الليل و المنطقة ديال اللوكوس الواد جا خارج لمدينة ! كلست شوية و بقيت كنرمي فالحجر ... و كنقول فخاطري دابا غادي يخرجوا و يترشوني أصال مبقا قد مافات ... عييت كالس و نضت مشيت فحالي ! وصلت لواحد الحومة حدى الدار و بحكم كنت البس جاكيط و الطاكيا ! شافني واحد العساس سحابليه خارج نكريسي هز زواطة و تم جاي عندي أنا معرفت شنو وقعلي فدك اللقطة ! شفت فيه و قلت ليه مالك ؟ والله أخوتي و فهاد الليل مكملتها حتى شفت العساس تهز فسما و تحط ! شفت هاداك المنظر مفكوني غير رجلي ! جرية وحدة تال الدار و هكاك و ممخلوعش ... دخلت نعست فصباح سمعت بنادم كيقول العساس ديال المنصور درباتو طوموبيال و هربت ! مقلت والو و الحد االن دك العساس معاقلش شنو وقعلو ... أول حاجة جات فبالي هيا أنني بصح تزوجت بجنية ... و لكن عالش باقي مشفتها ... ؟

ختي كملي القصة راءعة ولكن واش بصح حقيقية

إن شاء الله حبيبتي في االمساء نكملها ليكم

لا اله إلا الله محمد رسول الله ومن الفضول ماقتل

#الجزء_الثامن

قبل " : أنا غادي نكمل حيت عارف عالش ! و الناس لي غادي يقراو لكتاب رغم هادشي لي قلت راه تا " حاجة فدنيا مغادي تشفع ليكم عند هللا ! حيث الشرك من الكبائر ! و كلشي كيتغفر اال الشرك ... يعني نتا ... عارف و مشيتي ليه ! اللهم إني قد بلغت تال لهاد المرحلة كنت باقي متشبت بالفكرة ديال هادشي لي كيوقعلي غير تهيئات و تخيالت و بلي مرضت راسي بقوة التفكير و الحرب النفسية لي شنها عليا لكتاب ... لدرجة أنني كنت كندخل للغروبات و المنتديات لي كتناقش عالم السحر و الدجل و كنبقى نعطي أراء و أطروحات كتنتاقذ و تكذب عالم الغيبيات برغم داكشي لي كنت فيه ... و خصوصا أنني بقيت متشبت بالجانب الروحي و الديني ) صالة و االنصات للقرأن ... ( تال واحد النهار دخلت فنقاش مع واحد الدكتور نفسي و عرف بلي أنا قاري لكتاب ! هاد الدكتور هو من أصل جزائري و لكن عايش فاليونان ! عاودلي بلي واحد المرة كان فمؤتمر ديال الطب النفسي و فشي ندوة كانو كيناقشو موضوع مرتبط باالزمات النفسية و العالقة ديالها بسحر و الشعوذة ! و من النقط لي ركزو عليها هيا الكتاب ديال شمس المعرفة فاألول كان المجرى ديال النقاش كيصب بلي مجمل التعاويذ و الطالميس لي فالكتاب هيا طرق كثأتر بشكل مباشر عال العقل الباطني و أالوعي ديال االنسان ! يعني فحال التنويم المغناطيسي ... و لكن من بعد تصدموا منين واحد السيد تقدم و جاب معاه ولدو فالعمر ديالو 17 سنة قرى لكتاب و قدر يدير حداهم شي حوايج فشكل ! الدري عمرو قرى شي لغة و فكل مرة كانو كيطلبوا منو يهضر بشي وحدة كان كيهضر معاهم ... فدك اللحظة هدر معاهم ب 27 لغة و بأصوات مختلفة ! تعجبوا لدرجة أن النظرية العلمية ديالهم والت أضحوكة قدام الناس ... هنا ! و بقدر ما كنت كنحاول نصبر راسي هاد السيد جمدلي الما فالركابي ... فحال لي قالي " بال متبقى تكذب عال راسك " من دك النهار وانا مكننعسش ... معرفت باش تبليت ! كلشي رجع كيبانلي وطى ! مبقيت كنخاف من والو ... كيفاش عنخاف ؟ كاين شي حاجة كثر من هادشي ! مرضت ما بقيت ال كناكول ال كنشرب ! التصرفات ديالي والت غريبة و بنادم فحال لي وال كيحس بشي حاجة من جهتي ! باقي عاقل واحد المرة كنت كالس فقهوة شعبية فالحومة ... جات سطافيط دخل المخزن كيهز و يضرب بنادم من الطرف ... لدرجة أن كلشي دواه ! بقيت غير أنا و دري معايا ... وقفوا حدانا قالو سالم عليكم و زادو ! هههههه خونا هاز معاه للحشيش لقيتو مصدوم فيا حال فمو ! الفاك مبقيتش كنمشي و فالليل ديما االحالم و الرعيف ... تا جا واحد النهار ديال لخميس ... حلفت باهلل تا نخرج ليها نيشان ! حيت كنت قريت فيه واحد الجملة باقي عاقل عليها " يوم الخميس يلتقي ... قرني الشيطان و يطفو شره عن اإليمان " يعني بدارجة ! لخميس ليلة إبليس

الجزء_التاسع

نضت فالصباح مزروب فحال لي غادي نسافر للخارج ! دوشت و خديت البورطابل من عند ختي و الصباح كامل دوزتوا تصاور مع الواليدا ... حيت مكانوش عندنا التصاور بجوج مع بعضنا ! لواليدا حسات بي حجة واخا مبينت والو و لكن عرفتها ... لعشية خرجت تالقيت واحد خيتي فركتت معاها لكوارة ! خليتها كتبكي و زدت فحالي ... بقيت كنفكر شنو باقي خصني ندير ؟ تفكرت واحد جوج عندي معاهم حسابات قلت نمشي ندير لهم تحويل العملة ! عاود قلت بالش ... مناقصشي مشاكل ! كلست فالقهوة وسط الصداع و بنادم عجيب ! كيضحكوني و كننسى لهموم ... بدات الشتى طيح تحركت لدارنا ! دخلت وتوضيت و صليت و شديت عليا البيت ! بقيت كنتسارى فهيرو هههه تا حسيت بكلشي نعس نضت جبدت الكتاب ... قودتها فخطرة ! زييييد كملها ... فالكتاب كاينا واحد الجزء ديال تحقيق األماني ! فدك المرحلة كنت نقدر ندير أي حاجة غير نتفك من كاين بزاف ديال الطرق و لكن الوحيدة لي فهمتها و لي كانت داكشي لي عايش فيه مشروحة فالورقة هيا ديال واحد الجدول فيه شي رموز نص ساعة وانا ننقل فيهم و 39 خانة كتعمرهم بأسماء هللا الحسنى و كدير بزاف د الحوايج ) مغنكملهومش حيت بنادم عوتاني غادي يمشي يديرهم -_-( ساليت و تمنيت ! جبت واحد الجنوية حطيتها حدايا و تكيت ... بقيت فايق و كنخمم واش هادشي بصح وال نعاس والو و الخلعة متكية معايا ... بديت كنتفكر شي حوايج غير كنزيد نغرق راسي فالكتاب نضت شعلت الضو قبل ميشعل فيا ... بقيت كالس كنتسنى الصباح ! شوية رجعت تكيت و بقيت كنسي راسي و كنتفكر واحد األغنية ديال لعراسات : أجيني واجيني أجيني بالمحبة ... طفى الضو و تشويكة وقفتلي ! كرمت فبالصتي ... مقدرتش تا نرمش ! دازت مدة وأنا كارم ! بقوة الخلعة القرأن مبقيتش ... عاقل عليه ... تشجعت و بغيت نهضر لساني تشلل ! بديت كنقول : ألو ألو ألو

الجزء_العاشر

منين حسيت بلي سكات و مكاين والو ... نضت كنجري و شعلت الضو ... شديت البسي و بقيت كندعي تا طلع الصباح ! بحكم الخلعة لي كانت فيا و المدة لي ممشيتش فيها الفاك ... نضت لبست عليا و مشيت ف 6 د صباح ! مع الفاك جات خارجة لمدينة قلت نكلس شوية فالغابة حداها مهم منبقاش فالدار ! شديت طاكسي وصلت لقيت الدنيا كتصفر ! البررررررررد و البشري مكيناش ريحتو ! كلست فواحد الكرسي درت ليزيات و تكمشت كنتأمل ... شوية وانا نسمع صوت فحال ديال بنت صغيرة ... حيد الصنانت ملقيت والو ... و ماشي صوت فاألغنية ! وانا نسمع " أشرف " نقزت من بالصتي و كندور فجنابي ملقيت حد ... مع رجعت نكلس و هوا يعنقني شي واحد ! تعنيقة ديال بصح فحال بنادم ... نضت كنجري فحال لي شاعلة فيا العافية ... الغوت و الخلعة و بوحدي ! أقود حاجة فدك الصباح ...وقفت وانا نلقى راسي رعفت ! كلست معارف مندير نمسح الدم وال ندور نشوف شنو لي حدايا ! تا سمعت نفس الصوت ! و لكن هاد المرة فوذني ... منين القلب مسكتش فدك اللحظة عمري باقي طويل ! " تانا أول مرة شفت أدمي تخلعت ... نتا غير سمعتيني و كنتي غتموت " و الله أخوتي تا بغيت نغوت و لكن اللغة مشات ! دموع نزلولي غير بوحدهم بقيت كنقول أعوذ باهلل من الشيطان الرجيم ... و بديت نقرى أية الكرسي و أنا كنبكي وصلت لجزء ديال" وسع كرسيه السموات و االرض " وانا نسمع الصوت كملها تا األخر و ضحك و قال : نكمل السورة تال األخر ؟راني مسلمة فحالي فحالك ! صافي سخفت دك الساعة و الله تا سخفت ... غيبت منين فتحت عيني لقيت راسي مجبد ! و الصوت فوذني كيهضر بواحد اللهجة حنينة و الدارجة فحال ديال ناس لي عايشين فالخارج ! مفهمتش داكشي لي سمعت و لكن بقيت كنقرى فالقرأن بالجهد و الصوت فوذني كيقرى معايا ... منين شفت راسي بديت كنخربق حبست و بقيت كنقول بجهد : أشرف هادشي راك كتخيلو و غير فراسك وا ترجل أصاحبي ... الصوت سمعتوا هضر و قالي شوف الكاميو ! فطريق كاين دايز واحد الكاميو ! مع شفتوا جاي كنت غنوض نجري عندو بقوة الخلعة ! تا سمعت : واحد ، جوج , ثالتتتتتتتة ... و الكاميو يتقلب ! و الله أخوتي اال مكانش غادي تا ب 20 كم و تقلب عال جنبو ) ناس لعرايش غادي يعرفو الكاميو د رملة لي تقلب حدى مرجان ( دك اللحظة تمنيت الموت تديني و منبقاش عايش ... مشيت كنجري للكاميو و أنا مخلوع كثر من مواله ! وقفوا شي طوموبيالت و تجمعت الجوقة و الشيفور خرج مواقع ليه والو ... الشيفور و أنا مخشي وسطهم ماشي باغي نحضر لداكشي و لكن خايف نبقى بوحدي كيعاود للناس و كيقوليهم هاد الولد شاف كلشي .. حيت بوحدي لي كنت حاضر ! و أنا بقوة الخلعة كنقول ليه مشفت والو أنا ... عاد جيت ! معرفت نرجع لدارنا وال نشد األرض ... شوية تفكرت الواليدا منين كانت كتبغي تضحك معايا كتقولي : نتا فوتي السطاج ديال بنادم ... نتا وصلتي للسطاج ديال الجنون تحمقهم ! واخا كنت فقمة الخوف دك الساعة و لكن ضحكت من قلبي ! حيث عا أمنت بدك الفكرة ديال "هضرة الواليدين ديما بصح " مشيت رجعت كلست و شهدت و قلت شنو أخرتها ؟ ياك الموت ... مرحبا بيها المهم هوا تكون عندي قصة زوينة نعاودها فجهنم حسن من فرعون و هيفاء ههههه بقيت كنفكر شنو نقول باش ... يرجع الصوت ... وانا نسمعوا هضر : تيقتي وال نزيد نأكدلك

الجزء_الحادي_عشر

سكت أنا فدك اللحظة معرفت منقول ! صوتي باين مخلوع و حاولت نهضر و سولتها شنو بغيتي ؟ قاتلي متخافش مدام نتا لي طلبتيني را منقدرش نأديك ... أنا سميتي "بهقاء " قبل متكمل الهضرة قاطاعتها و بديت كنغوت أنا را مطلبت والو بعدي مني ! تا حسيت بواحد الطرشة فوجهي لدابا كنكتب و حناكي ناضو يضروني ! سكتت و فحال لي شربت البنج ! بقيت غير حاني راسي و كنمسع ... داكشي لي كان كيدور فبالي و األسئلة لي بغيت نعرف األجوبة ديالها فهادشي كامل جاوبتني عليهم فالحدود لي بغات ! و بال حتا منسولها ! أول حاجة شرحتلي كيفاش أنني كن مكنتش ساكن فدار محصنة ) من بعد عرفت بلي جدي حصن الدار باش ميدخل ليها تا أذى ( كو راني ميت و كلشي لي عايش معايا كوراه حماقو وال نتاحرو ... و الخطئ لي درت هو أنني كنقرى بصوت مرتفع أي حاجة مكنقدرش نفهمها ! و بلي لكتاب فيه طالميس و إستدعاات مجرد تحريك الشفاه أثناء القراءة ديالها تقدر تحضر و تسخر أبناء جنسها ! و بلي داكشي لي عايش فيه مجرد تهديدات و مضيقات بسيطة بحكم أنهم صعيب يدخلوا للدار ... تما فهمت و فدك اللحظة المصيبة لي طحت فيها ! منين كنت كنقرى وصلت لواحد الفصل فيه التزواج و التناكح مع الجن و بحكم حنا عرب عزيز علينا جوج حاجات لفلوس و الفشلوق ! و هاد الجزء كانو فيه بجوج و مشروحين فالوراق مزيان ! بقيت كنقرى و نعاود بصوت مجهد ! و بال صوت ! و بصوت خافت ! جميع البوزيزيونات ... تا خرجت فاهم داكشي كامل ! فدك اللحظة تصادف بلي بهقاء كانت قريبة مني وهيا لي طاح عليها اإلختيار ... و حيت هوما معطلتنيش و دخلت للدار بسهولة عنهم الزواج بأدمي فحال الزواج بسويدية عندنا حنى بحكم أنها مسلمة ... دك صباح كامل متعزعتش من بالصتي و الغريب هوا جا بنادم و صحابي و تواحد مالحظني كالس ! فحال لي كنت مكنبانش ... قبل مكنت كنسول كانت كتجاوب ! تا وصلت لواحد المرحلة طارت مني شوية الخلعة ! طلبت نشوفها و لكن رفضت و قاتلي بلي الجن عندهم القدرة 40 مرة على التشكل و بلي باقا صغيرة و غادي تحتاج الفرص ديالها مع لوقت ! سولتها شحال فعمرها ... صدمتني ! 240 سنة و قاتلي بلي هيا من قبيلة معروفة بالزين يعني كيشبهوا لألدميين غير وذنهم طويلة علينا ! و لكن منين غادي نقتارنو غنبقى نشوفها ! رتحت ليها و دك الخوف كامل بديت كننساه و سولتها واش غتبقى تحضرلي لي بغيت ؟ ضحكت و قاتلي بلي راه فقيرة و مسلمة و متقدرش تقيس الحرام ! لحرام عال حساب مشرحتلي هوا داكشي لي كيديروه لجن المسخر وال المتعاون مع السحرة ! كاين شي حوايج فالعالم ديالنا حنا بساط ! و لكن فالعالم ديالهم كتشكل ثروة ... الجن كيتعاونو مع السحرة و يلبوي ليهم المتطلبات ديالهم ) معلومات , أذية البشر ... ( مقابل قرابين و هدايا لي فالغالب كتكون عتروس كحل . بخور , و فحال هاد لحوايج كيشكلو ثروة للجنون ! سولتها عال بزاف د الحاجات و لكن األغلبية مبغاتش تجاوب ! خوصا الغيبات ) فوقاش غنموت , شنو غنخدم ... ( حيت قاتلي هيا مسلمة و الله وحدو لي كيعلم الغيب ! أخر سؤال قولتو ليها هوا واش الجنون كيعيشو غير فالمغرب ؟ قاتلي نتوا ا بنادم شحال فكم ديال لفضول ! الخالصة ديال داكشي لي قالت بلي الجن كانو تابعين لسيدنا سليمان الشي لي فرض عليهم أنهم يكونو كلهم عرب و المغرب كان أبعد نقطة فدك العهد ! و بتحديد جبال األطلس كان فيه أكبر سجن للقوم ديالها و بلي الجنون مخلوقات نورية و سيدنا سليمان مكانش كيقدر يعدمها كان كينفيها للمغرب ! أغلبية كانو اال تنفى واحد من االهل ديالهم كيرتاكبو معاصي و يتبعوه باش يعيشو مجموعين ! الشي لي جعل المغرب أكثر بلد إستوطنوه و هاجرو ليه من بعد الموت ديال سيدنا سليمان ! و بلي العالم كامل فيه الجن و كل منطقة عال حساب الثقافة ديالها كيفاش كتعتابرهم ) أشباح , كائنات فضائية ... ( و قبل منمشي فحالي قاتلي بلي راها شافتني شنو درت لبارح عليها اظطرت تخاطبني و بلي داكشي لي درت ستدعيت أقود جن و عقدت معاه إتفاق باش نلبي ليه طلباتو و يلبي لي طلباتي ... قاتلي راه كيبان فصفة قط أسود غادي يطلب منك تقول ليه شنو بغيتي فوذنو و راه غيبان ليك غا نتا ! أنا فهاد اللقطة طمعت و من الخلعة لي طيرت معاها قلت فراسي أنطلب منو يبعد عليا هادشي كامل ! و لكن هيا حست بيا فاش فكرت قاتلي راه غيطلب منك نجاسة ... قلتلها كيفاش ؟ فحال لي حشمت تجاوب ! و قاتلي تشرب دم الحيض وال تنكح أالم ديالك ... هنا ... رموش د عيني تشوكوا ! أواه جينا نكحلوها عميناها

#الجزء_الثاني_عشر

بهقاء أخر كالم وصاتني بلي هيا مغتقدر تعاوني بوالو و بلي األهل ديالها كيستاعدوا باش ننقل روحي عندهم ... أغلب كالمها مفهمتوش ... و الشي لي كنت كنطلبوا منها هوا نشوفها و لكن مكانتش كتبغي ... رجعت للدار و الخلعة طريق كاملة و هيا مفارقتنيش ! واش حمقت ؟ واش كنحلم ؟ كي غادي نعاود للناس هادشي ؟ كي دخلت لقيت الواليدا معصبة " فين كنتي عييت نعيط فالتيليفون " لقيت الناس جاو من تارودانت ! أول حاجة سلمت عليهم نقز واحد وجه الز.... " هوا هادا ؟ مالك أولدي عال دك التحسينة " هاد خيي كان هوا الصغير فيهم و مبيناش عليه فقي ! كانو 4 و كلهم كالسين و كيشوفوا فالواليد ! لي كان ممسوقلهمش ... ناض مشى فحالو منين حس بيهم مخلوعين منو ! كلست و عيطنا للواليدة و بقينا كنشرحوا ليهم األعراض ديال داكشي لي دزت فيه ! طبعا معاودت ليهم والو من داكشي ديال الصباح و حتى داكشي لي كنت مخبع عال الواليدا ... فأالخير الواليدة قاتلي نوض جيب لكتاب يشوفوه ! سمعوا لكتاب هضروا فدقة وحدة : أشمن كتاب ؟ جاوبتهم أنا شمس المعارف ! تما شفت الناس وجههم تبدل ... واحد وقف مخلوع و بدى يغوت يااله فحالنا ! واش نتا حمق و ال مريض ! كان هوا لمخلوع فيهم و كيسولني واش قريتو فدار ! كثرت الهضرة و كثر الغوت و الواليدا تخلعات و بدات تزاوك فيهم يوقفوا معانا ... كولهم كانو مخلوعين و مقدروش يقربوا للكتاب اال دك خيي الصغير ! شدو و بقا كيقلب فيه و حسيت بيه متخلع ما والو بالعكس فرح و ناس لي كانو معاه كينهروه و كيقولو ليه حط داكشي من إيديك و هوا فحال شي دري صغير عطيتيه بي س بي ! بقينا كنهضروا مع سي موحى التارودانتي ساكن فشيبادية فالنواحي و مهور تما ) لي كيعرف هاد السيد يبوس ليه راسو و يقوليه هادي من عند ولدك أشرف ( السيد لي كيرجع ليه الفضل من بعد الله تعالى ! و الجوج الخرين غير ساكتين و كيشوفوا فيا و معا أنا باسل مع كري ههههههههه بقيت كنحمقهم ! كنبقى كالس و كنحرف فعيني وال كنهبط الريوك ههههههه خلعتهم بالمفيد ! سي موحى شرحلينا كيفاش أنني من بعد ما قريت لكتاب و ليت مشرك و بلي تا فقي فالدنيا ميقدر يحط يدو عليا والا يأثر عليا بشي حاجة بل بالعكس يقدروا يأذيواه شي حوايج جبدتهم من الكتاب ... أنا فهاد الحالة وليت خطر عال كلشي ! راسي و عائلتي و تا بنادم لي غادي يحاول يعالجني دينيا ! مخلعنيش هادشي حيت كنت عارفو و من بعد داكشي لي دا فالصباح هادشي وال عندي عادي ! موحى هضر بزاف و عال شي حوايج فشكل ... مثال المسألة ديال جنية لي تزوجت بيا و كيفاش أنها مستحيل تبعد مني حيت أنا من ساللة سليمانية ) سيدنا سليمان ( و هادشي مفخرة كبيرة ليهم و مستحيل ضيع زوج فحالي من بين يديها ... و بلي أنثى الجن اال تزوجت بأدمي ميمكنش تفرق معاه اال إذا مات و معندهاش القدرة تزوج من بعدو ! هادشي مسمعتوش حيت كان بالي مع خيي لي كيقلب فالكتاب ! من أألول كاع مرتحت ليه ... وجهو أزرق فحال ملف المنحة ههههه و كيهضر بواحد الطريقة بشعة ! هاد سي ثبي سحابلو أنا يااله حطني الكار ديال دوار 360 ... عيطلي و قالي بلي ضروري خصو اخد لكتاب معاه حيث بيه غادي يقدر يبعد عليا هادشي و يفكني ... و لكن عرفتو كذاب مغينفعني معاه غير لكذوب ! قولت ليه بلي خرجت لي معزة فالمنام و قاتلي اال خرجت لكتاب من الدار غادي نخرجوا روح لي بقا فيدو ههههههههه خونا تخلع قالي أعوذ باهلل ! و جبد البورطابل و بقى كيصور شي وراق و حاضي صحابو ليشوفوه ! الجوج فقهى الخرين واحد عيطلي و بقا كيسولني عال االحالم ... بديت كنعاود ليه و هوا متبع معايا ... حبست و قلت ليه أالحالم را غير حالة تصورية لداكشي لي كيطغى عال تفكير ديالنا فالحياة العادية ! بغيت ندير فيها زعما دكتور .... ساعا صدمني و كمل لي داكشي لي كنحلم بيه بالتفصيل ! مشى عند صاحبو و بقى كيوشوش معاه ... و أنا كالس و كنخمم واش نعاود ليهم داكشي لي وقعلي و سمعت فالصباح ! وال نسكت راه كنت غير كنتخيل ! خونا باقي كيصور ... موحى كيشرح للواليدا ! أنا كنشوف فالجوج كيهضروا و هوما كيشوفوا فيا ! الهضرة الوحيدة لي بقات فوذني من الفم ديال موحى : " نطلبوا من الله للا يموت عال ملة اإلسالم

نكمل ولا تخلعتو وتكمشتو ههههههه

ههههههههه

كملي علاه أنا شفت القليل ف احلامي عادي حبيبتي معانا ربي منخفوش

هههههه كتعرفي داك خينا الي شداه الخلعه في سروالو و كيتسنطح ههه هو نتي في هاد اللحضه

#الجزء_التالث_عشر

شنو الذنب لي درت فحياتي باش نستاهل هادشي ؟ كل نهار كنسول راسي نفس السؤال واش أنا ماشي بشر ممكن نغلط ومن حقي نتوب... كيفاش أنا لي كنت كنضحك على أي واحد كيهضر عال الجن و هاد العالم رجع الضحك فيا ! خايف نعاود هادشي للناس و يسحابلهم وليت حمق .... أكبر مشكل كان عندي هوا كيفاش نفاليدي فالقراية دابا وليت باغي غير نبقى بعقلي كلسني حداه موحى و بقا كيهدئني و عطاني ميساج بلي هادشي عندو مخرج واحد تا إيال بقيت عايش عمري مغنكون طبيعي فحال الناس ... و بلي مهما وصلت بي أالمور خصني نصبر و نتحمل العواقب ديال األخطاء ديالي ... هضرنا و تناقشنا فبزاف ديال المواضيع و عاودلي قصص د ناس حطو يدهم فالسحر من باب المعرفة تا كالهم الطمع و لقاو راسهم وسط بحر من المصايب ! سيد صدمني ماشي بالخلعة و لكن بالمستوى الثقافي لي عندو رغم أنه ولد البادية و التعليم ديالو بسيط ... تناقشنا فالعديد ديال األمور و كيفاش أن األنظمة اإلجتماعية و الحضارات المتقدمة كتحاول تركب عال هاد العالم دال الماورائيات و تخليه معتم و تصوروا للناس أنه مجرد خزعبالت و زوبعة في فنجان بالرغم من أن العلم الحديث و التقدم التكنولوجي فشل فتفسير د بزاف د الحاجات و هادشي كامل من أجل جذب الثقة و الطاعة العمياء لالنظمة االنسانية فقط ! استفدت منو بزاف دك العشية و لكن ديما بقات فبالي الفكرة ديال كيفاش بنادم كيصدق هاد الخزعبالت ؟ واش باقي بنادم كيسحابلو غادي يقرى كتاب فيه تخربيقات و حروف غادي يخربق حياتو ؟ حنا فزمن الملموس ... واش نتيق واش نجمع حوايجي و نمشي لشي بالصة بعيدة ميلقاني حد كملنا الهضرة و خرجنا بخالصة بلي الحل لوحيد لي عندي هو المساعدة ديال شي دجال قاطع يدو من يد الرحمان ...مشرك فحالي ! هو لي غادي يكون كيتعامل معاهم و يقدر يقنعهم بلي داكشي لي درت مجرد خطئ و عن غير قصد " واخا هوما فحال الطران اال خرج من المحطة مكيوقفش " هاكا قالها موحى ! لفقيه الصغير حط الكتاب و دخل معانا فالنقاش و قال بلي كاين سيد واحد لي دارس الكتب كاملين ديال هادشي و يقدر يكون قاري تا شمس المعارف و هوا الوحيد لي يقدر يعاونا ....و غادي يمشي لعندو يجيبو من الخميسات ! خدى األرقام ديالنا و قال غادي يعيطلنا فأقرب وقت ... تعشينا دك الليلة و قراو ما تيسر من القرأن و ناضوا يمشو فحالهم ... بقاو كيدعيو معايا بال ميقربولي وال يمسوني ... خرجت معاهم و بقا موحى كيوصيني بلي خصني نصبر هاد األيام و منخرجش بزاف من الدار تا نلقاو الحل ... و بلي من اللحظة لي لي قررنا نواجهوا هادوك ... تا هوما أيحاولو ينتاقمو مني و خصوصا العائلة د هاديك أيديرو المستحيل باش نبقى معاها ... خداو 2500 درهم دك النهار منها فلوس المركوب ديال سيد لي غادي يجي من الخميسات" ...

#الجزء_الرابع_عشر

دخلت فحالي للدار و جاني واحد الجوع فشكل واخا كنت معشي ... كليت و مشيت نعست بال منبدل حوايجي ! كنت عيان بزاف ... ماناعسش الليلة لي فاتت و عاد شنو داز عليا فهاد النهار راه عالم بيه غير ربي ... ضربتني الفيقة ! ولكن تال 9 د صباح ... نضت من الفراش و أنا كنحس براسي فشكل ... شعور فحال لي خصني نعض أي حاجة ! حليت المجر و جبدت باكية ديال فالش كليتها كامال ... 5 دالمسكات كلهم كنمضغهم و فحال لي أول مرة غادي نمضغ المسكة ! خرجت من البيت باش نمشي للحمام لقيت الواليد جار الباليزا و غادي مسافر ... الواليد لي نهار خرج من الحبس و العالقة ديالنا كتدهور ! مكنتسوقش ليه و حتا هوا مكيهضرش معايا ! دزت من حداه وكملت طريقي ... دخلت للحمام غسلت سناني و وجهي و عليت وجهي فالمراية ! بقيت كنتأمل فراسي فحال لي أول مرة غنشوفني ... حسيت بالمالمح ديالي فحال لي تغيروا ! كيفاش ؟ وليت كنبان صغير و تا اللحية كانت بدات كتنوض و دابا وجهي رطب ! 20 عام فعمري تقول عندي 15 عام ! قلت يمكن كنتوهم ! و لكن لي كيهضر معايا كيقولي نتا محال تكون عندك 20 سنة ... فشكل هادشي ! خرجت و كلست فالصالون ... ما بقيت باغي ال نقرى ال نتفرج ال والو ... بالي كامل كان مع داكشي لي سمعتوا البارح و الكالم ديال بهقاء ... بقيت كنمضغ المسكة تا سال الدم من لساني ! منين شفت الدم تفكرت بلي ليوما مرعفتش ... أواه هادشي فشكل ... أول مرة مكنرعفش فالليل ! نضت نقولها للواليدا ! تيليفون صونا ... شكون غيكون كيعيط فهاد صباح ؟ جاوبت ! ألو ... لقيتو لفقيه الصغير ! من بعد عرفت سميتوا يوسف ! بقا كيسولني كي بقيت و كي غادا األمور و كدا ... فأالخير قالي راه تفاهم مع السيد و را جايين عندنا نهار الخميس ! يعني بعد غدى ... قتليه واخا مرحبا ها حنا كنتسناو ! قبل منقطع قالي بالتي خصني واحد الحاجة مهمة ! شنو ؟ بقا كيخربق عليا ... و فاألخير قالي جبد الكتاب و سير للفصل الفالني و الصفحة لفالنية و عطيني شنو فيها ! أنا مكنتش قادر نعاود نشبر لكتاب فيدي ... قتليه الواليد سافر و خدى معاه الكتاب يوريه لواحد السيد ! غير سمع هادشي و هوا يقطع عليا بال ميقول تا بسالمة ! مشيت قلت للواليدا شنو كاين و رجعت للبيسي ... شوية بقا فيا لفضول عال داكشي لي سولني عليه و لكن بقوة الخلعة مقدرتش نقرب للكتاب وال نشوف فيه عوتاني... كالس بوحدي و كل مرة كنقول دابا غادي تجي تهضر معايا عوتاني وال تخرجلي من شي قنت ... موقع والو دك الصباح و النهار كامل دوزتوا مرتاح ... واخا كنت قنطان و خصني نخرج ! و لكن قلت ما ناقصنيش مشاكل ... بقيت كنطل من الشرجم فحال شي دري صغير مخلتوش مو يخرج للزنقة ! أون فاص مع الدار مكيناش البحر وال حديقة ! كاين واحد الخربة جميع أنواع الجرائم دازو منها : إغتصاب , قتل , ... كلشي! بقيت حاضي والد الحومة كيكميوي البابيال استغربت كيفاش أنا الوحيد لي خرجت مزيان فحومتنا ! كيفاش دراري لي كانو عشراني و دوزت معاهم صغري الصغير فيهم محكوم ب 7 سنين حياتي كاملة تفكرتها من نهار فتحت عيني تال النهار لي جبت فيه الباك ! كيفاش الناس كيزغرتوا و دراري هازين فرحانين بيا فحال لي شريت برج خليفة ... و ميمتي فرحانة بولدها أول واحد جاب الباك فالحومة ... لواليدا لي عرفت تريبني و خسرت دم جوفها و باقى كتخسر ! لهضرة لوحيدة لي كنت كنقولها من نيتي هيا ميمتي سمحيلي ضيعتك فداكشي كامل ...معزتش عليا ذاتي واخا ضيعت راسي ال دنيا ال دين شوية سمعت صوت الدباز و العساس كيفارق وانا نتفكر النهار لي طار قدامي ... تفووووووووووووووووو ! نسيت مسولتش بهقاء عال دك نهار ! رجعت للصالون و بقيت كنقول ندوي معاها ؟ ال ال ال مخصني صداع ... شوية زعمت و بقيت كنغوت بهقاء ! بهقاء ... بهقاء ! و كندور فجنابي ... قلت أنغوت بجهد واقيال هاكا أتسمعني!غوتت بجهد بهقاء بقهاء )قولواالسمية غير فنفسكم ( ... وانا نسمع : مالك العايل حمقتي وال ؟ نقزت من بالصتي ... درت جبرت الواليدا فالكوزينة كضحك عليا ... لخوادرية كانت حداها مكنا كنقولو ليها والو و الحد األن باقا معارفا والو ... قالتلها هادا واقيال را وال كيتقرقب هاد األيام ... مديتهاش فيها و نضت لبيتي ! دوزت النهار كامل فالبيسي ماكليت والو ... كنت كنشرب الماء بزاااااف! نعست ديك الليلة... و فقت فالصباح نورمال و ناشط ! فرحت و بقيت كنقول واقيال مبقا تابعني والو و تشافيت ! فطرت معا الواليدا و قلتلها خصني نخرج را قنطت فدار ... مخلتنيش و بقات كتغوت ! مديتهاش فهضرتها و لبست عليا و خرجت للقهوة ! ريحت مع دري صاحبي بقينا كنهضرو فداكشي ديال البورطابالت و التخربيق و كنت عمري معاودت شي حاجة من داكشي لي كيوقعلي لشي مخلوق ... قلت مع الدري عشيري و يقدر يوقف معايا أنحاول نعاود ليه غير حاجة بسيطة من هادشي لي دوزت و نشوف ردت الفعل ديالو ! قتليه راني ديما كنرعف ف 3 دليل و كنشوف شي حوايج ! بقا كيضحك عليا و قالي هادشي كيتيقوه غير الجهالء و الدراري صغارين و بلي اال مشيت للطبيب غادي يعرف شنو السبب ... قلبت ليه الموضوع ! و معا كان يااله خدى اليرمي و فرحان بيه ... الواليد ديالو كان كيعطيه الطوموبيل ! قالي يااله نخرجوا شوية من المدينة يطلق يديه فالسوكان و منها نبدلو الجو ! قتليه زيد ... مشينا و شاد الطريق مزيان ! شوية غاديين مور واحد الكاميو ديال الشمندر تا تفتح الشاريو فوسط وجهنا ... دري مجا يفراني تا كانو جوج شمندارات زغرتوا فوسط البارابليز هرب عال داكشي لي مشتت فطريق خرج للبيست و أنا كنغوت متفرانيش تفرانيش ...

نووووووو حبيبتي مخيفاش

#الجزء_الخامس_عشر

خونا باقي عاد بدا يسوك ... باقي مكيحكمش الطوموبيل ! مع شاف راسو خرج للبيست و طوموبيل غادا بكثر من100 كم ! مع الخلعة و التلفة ! أنا كنقول ليه متفرانيش و هوا عاد برك عال لفران فخطرة وحدة ... محسيت براسي تا بقيت كنشوف غير الغبرة ! طوموبيل دارت بينا و كن مكانا مرضيين كورا جمعونا فتابوت ... خرجنا و الدري تقطع حسوا ! أنا كنهضر معاه و هوا غير كيشوف فيا ... الطريق كانت عامرة و تواحد محبس يشوف شنو واقاعلنا ... من األخر برب العقل عليك شي واحد فهاد لوقت ! طلعت ديمارت حيت كان مستحيل يسوق فهاديك الحالة ... رجعت سايق بالبارابز كنشوف فيها غير النص ! وصلنا للدخلة د المدينة لقينا باراج ديل البوليس ... شافوا طوموبيل كاملة مفكوسة خرجلي بوليسي باغي يوقفني ... شغادي نوقف و شغادي نشرحلك ! سبحان الله المخزن دراوش ... غادي نقولوا هادشي سبابو كتاب قريتو غادي يعطيني السالم و يقولي زيد فحالك ... أعطيهاااااااااا القالوي ... ال بيرمي ال والو ! كنت غادي نبيتوا فسبيطار ... بقا كيصفر وانا مدرتش تا مورايا ! ما فرانيت تال باب الدار ديال الدري ... بالصيتها و قتلو ها طوموبيلك أنا غمشي فحالي ! دخل لداركم و قول لباك شنو وقع و الله يعوض و الحمد الله لي بقينا غير عايشيين ... بقا كيتمتم عليا مقادرش تا يقول جملة مفيدة ... هبطت فحالي و شديت طاكسي لدارنا ! كي دخلت الواليدا وقفت : مالك ياك الباس ؟ عالش كتلهت ؟ شنو وقع ؟ و أنا كنثبت راسي و نقولها ال را غير جييت كنجري ... تلفت فدك اللحظة معرفت واش نوقف وال نكلس ! دخلت لبيتي حيدت الكاسكيطا لقيتها عامرة شعر ... و خصالت طواااااال فحال دالبنات ! شهادشي عوتاني مشيت دوشت و رجعت ! لقيت الضو د البيت محروق و أنا مقادرش نخرج نجيب بولة جديدة ! قلت صافي غننعس فظلمة و نخلي باب دالبيت مفتوح ... لواليدا تعجبت مني غادي نعس بكري وانا كنبقى فايق تال الصباح ؟ دك الليلة بذات عمري ننساها واخا يجيني الزهايمر ! مع 3 تفتحوا عيني ماشي حيت رعفت ! حيت لقيت ... شفت جهنم وانا باقي فالدنيا راسي ناعس واقف ... كيفاش ؟ واقف فوسط البيت و مربع يدي ! حليت عيني مفهمت والو ! شهدت و رجعت لبالصتي عليت عيني فسقف بنتلي غير الضبابة ! نضت نشعل الضو لقيتو مكيشعلش ... بغيت نفتح الباب لقيتها مشدودا ! بقيت كنغوت ماااااا مااااااا ! عييت نضرب فالباب توحد مسمعني شوية رجعت كنقلب عال الساروت فحوايجي حتا تضربت فسقف و نزلت ! أنا فاألول سحابلي طاح عليا الماريو لي كان مورايا ... مع دوخا و لظالم كي طحت وقفت و بديت كنغوت ... تا حسيت براسي يدي و رجلي مربوطين فالفراش ! كنبغي نغوت مكنقدرش فحال شي واحد شادلي فمي ! الصوت ديالي مكيتسمعش .... بقيت كنبكي ! أه بكيت ! بكيت دك الليلة فحال لي غادي نبكي أخر مرة فحياتي ... فحال لي حسيت براسي غادي يبداو يقطعوا فيا ... شوية حسيت بشي حاجة ! فحال جوقة مجموعة عليا ! كنبغي نغوت لساني رمشت بعيني وانا نتضرب فوجهي ! ماشي بجهد و لكن طرشة فحال دبنادم ... معقود عاودت رمشت وانا نتضرب بجهد كثر ... ترميشة الثالتة وانا نتصمك ... طرشة صحيحة نيفي بدا كيسيل عييت صابر و فاتح عيني باش منرمشش و لكن الصبر تساال و عيني رمشت تما بدم مبقيت حاس والو ... غيبت فخطرة تال الصباح ! فصباح أول صوت غادي نسمعوا ديال الواليدا كتبكي : فيق أوليدي متخلعنيش عليك ... فتحت عيني و شفت فيها ! كتعرفوا أخوتي دك الشعور ديال كتفيق الصباح و كتفكر داكشي لي حلمتيه و كتحس بيه فحال لي وقع بصح ؟ ورا ماشي دكاالحساس لي حسيت بيه ... ... عرفت داكشي لي وقع وماشي حلمتو

j

#الجزء_السادس_عشر
#الجزء_السادس_عشر

نضت مخلوع و شهقت واحد الشهقة فحال لي كنت كنغرق ! عليت عيني فميمتي لقيتها كتبكي ... شفت حوايجي لقيتهم كلهم الدم ... تكعدت و قلت صافي ذبحوني ! الواليدا بقات كتسولني معامن دابزتي البارح ؟ و كتقولي مكاين والو ... عالش أولدي ديرلي هاكا ! قلتلها مدابزت مع حد الواليدا و بقيت كانكالميها باش متزيدش تخلغ ... قلتلها را غير رعفت فحال ديما ! متخافيش ... قاتلي و هادشي شنو ؟ و شيرت عال وجهي ! نضت كنجري للحمام و رجلي كنحس بيهم غادي يعواجوا ... شفت فالمراية لقيت وجهي كولو و الجهة زرق ... أربي شهادشي ! جهة وحدة زرقة كاملة فحال لي تضربت بشي باال حيدت التريكو تصدمت ... مقدرتش نصبر و هرست لمراية ! كلي االخرى منفوخة كلست حدى الواليدا و مجبرت تا حل من غير أنني مضروب ... لحمي كاملة مفسودة تصدمت بقات غتبكي ... دك الصباح كامل دزتوا غير حدى لمراية نعاود ليها كلشي كنشوف فوجهي ! و مقادر ال نهضر ال والو ... عيطت للموحا و مكيجاوبش ! تيليفون كيصوني و والو ! عاودت عيطت ليوسف و عاودت ليه شنو وقعلي و قالي بلي راهم بداو ينتاقمو مني و مغادي يبعدوا مني تا وصاني عال شي حوايج خصني نديرهم و قالي منخرجش من الدار تا يوصلو نحماق عندنا فالعشية راهم شادين الطريق ... كلست نهار كامل كنفكر شغادي يوقع فالعشية و شنو خصني ندير منين يجيوي ... أول حاجة كنت حاس بيهم جايين طامعين فالكتاب ! نضت خبعتو فالثالجة ... لواليدا براسها و متلقاهش ! دخلت دوشت ... لبست قندورة و كلست غير كنفكر لشي حل لهادشي ... دوزت عشية نورمال من غير أن وذن وحدة مبقيتش كنسمع بيها ! مع دك الخمسة صونا البورطابل ... لقيتو يوسف ! قالي نخرج نتالقاهم فواحد لبالصة كتدخل ليها الطوموبل ...منين شفتهم تصدمت ! مكنتش كنتصور دك السيد يكون هكاك ! سايق فولس فاغن توارك ... البس مزيان و باقي صغير و كيبان عليه فلوس و يوسف كالس حداه شيرلي و هبطوا من الطموبيل ...سلمت عليهم و قالي أهال بالبطل ديالنا و عنقني ... فاللور ديال الطوموبيل كانت واحد البنت محيدتش عينيها عليا ! أنا شفتها تخلعت البسة عباية و مكحلة عينيها و جاتني فشكل خصوصا الشوفات ديالها ... منين شافني السيد شفتها قالي هاديك بنتي سارة منين عرفتني جاي لهنا لصقتني تجي معايا حيت عزيز عليها الشمال ... و شيرلها ضحكت معاه ! قتلهم أوكي يااله ندخلوا للدار ... قالي بالتي و مشى للطوموبيل و بقينا أنا و يوسف و قالي بلي هاد السيد هوا لي يقدر يفكني من هادشي كامل و بلي خصني ندير نيتي و لي طلبها مني نديرها ! بقيت حاضيه تا نزل من طوموبيل وعطى الساورت لبنتو و تم جاي عندنا ... أنا فدك اللحظة مفهمتش كيفاش يوسف فقيه فأصول الدين و قاري ففرنسا ؟ هوا قالي قرى االقتصاد ففرنسا ... و كيهضر مزيان بالفرونسي كاع ! و كيفاش تا معارف مع سحار فحال هاد السيد ؟ و باينا متفاهمين و كيعرفوا بعضهم مزيان ! سولت يوسف عال موحى قالي بلي من بعد وغادي يجي تا نتفاهموا شنو غنديرو ... جا سيد ) لي عمري عرفت سميتوا ( و قالنا يااله نمشوي للدار ! قتلو بنتك مغتمشيش ؟ قالي ال غتمشي تسارى مع راسها و ضحك واحد الضحكة فشكل ... زدنا للدار و هوا حسيت بيه تقرص حيت الحومة عندنا مقودة شوية ... وصلنا للدار فتحت الباب قلتلهم مرحبا ! سيد تبلوكا فبالصتو ... شفت فيه قالي يااله نمشوي للقهوة حسن واقيال ... قتلو غير زيد دار داركم ! قالي ال منقدرش ... تما حسيت بشي حاجة فشكل ! أواااااه السيد كان جاي فرحان شوية تقلب ... قلتلهم بالتي نعلم الواليدا أول حاجة ... قالولي ها حنا غادي نسبقوك فين تالقينا ! طلعت لعند الواليدا و قلت ليها شنو كاين ... و لصقتني تمشي معانا ... قنعت لواليدا بلي أنا لي خصني نتفاهم معاهم و نشوف باش غيعاونوني و بلي اال كانت حاضرة غي غتأزم األمور كثر ... خليتها كتدعي معايا و تبعتهم لقيتهم واقفين و غير شافوني جاي و قلبوا الموضوع ... وقفت قتلهم شنو دابا ؟ قالي السيد ) لي غادي نبقى نسميه لقرع( بلي عيط لبنتو تجي بالتي نتسناوها .