معاناة عائلة ورحلة علاج عنوانها لا اله إلا الله محمد رسول الله

راجعة بحمد الله

[quote="نور القلوب"]راجعة بحمد الله [/quote]
مرحبا حبيبتي رجعة ميمونة

تتمة أختي هانا معاك متبعة

اهلا حبيبتي مرحبا

كتعجبني الارادة ديالك مااشاءالله

السلام عليكم المهم اني قررت اني نكمل العلاجات الذاتية وتحصين ونحافظ على صلاتي لم تعد تستهويني لعبة البحث عمن يزيد الطين بلة ماضي انا اعرفه حاضري عايشاه الحمد لله مستقبلي في يد من لا تضيع ودائعه تركت الأمور تاخد مجراها الطبيعي ومع رصيد وفير من الصبر والحمد لله اعيش حياتي كباقي الناس امر الله كيتصرف ولا اعتراض على حكم ربي
واحد النهار وانا اتصفح أحد المواقع الاجتماعية وقعت عيني عل. اسم اعرفه من 20 سنة مضت بعثث رسالة تم استلامها المهم دون ذكر تفاصيل انا وانتم في غنى عنها حطيت الرابط للأخ المحترم <br>
تاسف كثيرا لانه انذاك كان يعلم بمرض اخي اللدي سيتطور فيما بعد هذا الشخص ساعدني لوجه الله الله يخلف عليه ويحفظ ليه لعزيز عليه ويرحم واليديه المهم انه أعطاني عنوان معالج رباني ليس دائع الصيت هنا كما هو الشأن ديال المعالج الكازاوي
المهم الوجهة هاذ المرة بعيدة شيئما ولم يسبق لي السفر إلى هناك من قبل ....هاد المرة اخدت مهلة التفكير واستغرق الأمر مايقارب الشهرين في نهاية الأمر قررت الذهاب توكلت على الله ببركة الميمة الحنينة وشديت الرحال الحمد لله السفر داز على احسن مايرام مشيت وجيت فامان الله وحفظه دام السفر يومين فقط حسب ظروف العمل المهم ان السكن كان متوفر عند ناس في قمة الروعة عائلة استقبلتني كانها تعرفني من مدة والحمد لله

الحمد لله مازال كاين ناس الخير

المهم مشيت نهار الأربعاء بالليل وصلت ساعة 6 ديال الصباح تكيت شوية فقت لقيت السيدة مولات الدار موجدة الفطور فطرت على خاطري وصلت ساعة عشرة ونص جمعت رأسي باش نمشي عند السيد المعالج اللي قريب من سكن الناس اللي ضيفوني مشا معايا واحد السيد انتظرت دوري بسم الله كلشي كيتكلم الريفية الا انا لقيت مقراج فالباب وسيدة كتكلم حدا النافذة بالريفية المشهد داز عندي فالحلم كما هو
بسم الله دخلت سلمت على السيد طلب مني باش ننعس على ظهري غطاني بايزار وبدأ كيقرى القران عادي واحد الشوية حط يده على كعبة ديال رجلي
بحياتي لم اختبر الما مشابها بزاااااف على الألم ولا اعرف كيف ساصفه بديت كنغوت بصوت مرتفع كنغوت كنغوت وهو كيقرى كيقرى فوقت من الاوقات كنظن اني فقدت الوعي لحقاش شي حوايج معقلتش عليهم
لكن انا طلبت من السيد اللي رافقني باش يصور فيديو باش ملي نرجع نوريه للوالدة ونوريه لخويا نهار يقدر يتقبل العلاج الفيديو وثق لحظة لم اتذكرها لحظة عذاب واستنطاق تكلمت على سحر ثقاف قديم عملاتو امرأة ذكرت اسمها واللي هي كتعرفوها زوجة جارنا الفقيه المرحوم بعدها بدأت الاستفراغ
اعزكم الله مواد صفراء وبيضاء....كنت اخديت صورة اخي ظنا مني اني استطيع علاجه معي ....لكن المعالج دفع الصورة وقالي واش انتي مازال ماعالجتي نفسك وكتفكري فخوك تعالجي انت الأولى ويحن الله

احنا زيرناهم وهربوا منا وانت ساعدتيهم
السحر قديم وتحيد وبقا خدامه الي خوفوك وكان الي كان
نيتك كانت قليلة للأسف وغلبك هواك
المهم الله يصاوب ليك

يحن الله

الله يصاوب

الجلسة الأولى مرت بسلام اليوم التاني الجمعة المعالج لا يعمل لكن يوم السبت فالصباح رجعت وكنت بمفردي لم اقوى على الألم صرخت في وجه المعالج قلت له بأني أتألم انا من يتألم وليس الجن اللي فيا
قال لي لو كنتي سليمة وماعندك والو ملي نحط يدي مخصكش تحسي بالحريق طالما يدي كتسبب ليك الحريق راك مريضة وخاص تتعالجي وبالفعل السيد مكيوركش بزاف هو كيحط يدو فقط وعندو عكاز لم يستعمله في الجلسة الأولى العكاز ملي كيدوز فشي اماكن من جسدي كنتقطع من الألم المهم 3 ديال الجلسات فالسفر الاول وقال لي إلى معندكش التزامات تبعي العلاج حتى الوقت اللي نقرى القران ونحط يدي فاماكن الألم ومتحسي بوالو
خلال الجلسة الثالثة حط واحد الحاجز بحال البونج غليظ بين يده والمبايض لكن الألم اللي حسيت بيه فالمبايض والجهاز التناسلي كان أكثر من أي الم على الإطلاق لدرجة اني قلت ليه صافي مابقيتش باغا نتعالج لم يكثرث لكلامي وتحمل ضرب الأيدي والارجل اللي كنقدف ليهم يمنة ويسار
وانتهت الجلسة وسألني واش عرفتي ابنتي من إمتى عندك السحر او لا ؟ قلت ليه عارفة ملي كنت فسن العشرين واقيلا ....قالي السحر اللي عندك من وانت بنت ال 14 سنة و14 سنة هو السن اللي بلغت فيه صافي معطاني والو
قالي باللي اماكن الألم غادا تنتفخ وممكن تزراق لكن ماتخافيش نهار يختفي الألم تتحسن صحتك بالتدريج لكن ضروري ترجعي لحقاش ذاتك كاملة مضرورة والجن الكافر اللي فيك مخصوش يبقى صافي ورجعت لحالي بحالا ضاربني تران كلي مدكدكة وتقولو بقا فيا عظم صحيح والرجا فالعالي

رجعت فحالي لكن خلال الجلسة اللي استفرغت فيها كنقسم بالله وهاد ليلة الجمعة اتصلت بي ماما وماجاوبتش لان السيد كان كيصور الفيديو ملي كملت وخرجت قالت لي ماما باللي خويا تزير بزاااااف وبقا داخل خارج للحمام وحتى هو استفرغ .....مع العلم انه مفراسوش واش مشيت او كنتعالج لكن بعد 3 أيام سول الوالد وقاليه واش ناد كتدير شي دوا هاد الأيام راني تزيرت بزاف والدي انكر خاف مسكين صافي رجعت على اساس نبقى نمشي مرة فالشهر

اللهم امين يارب
الله يعفو علي وعلى اي مريض فهاد الليلة واللي معافى الله يحفظه وينجيه وصليو على النبي اللهم صل وسلم وبارك على سيدنا محمد جاني النعاس وغدا انشاء الله عندي دوام 7 الصباح لعشرة الليل الله يقدرني غدا انشاء الله نكمل الرحلة تصبحو على خير انشاء الله

واو ناري يااختي خلعتني انتي بحالي ملي كنخوض شي زيارة كنمشي راسي ممعايا حد وكنغااااامر غير باش نتهنا الفرق انتي بينولك العلاج انا عكسك كنلقاهم داييني غير نزور والدكر والتسبيح وفاش نزور المكان كنولي بحالا تولدت من جديد

اللهم صَل وسلم وبارك على سيد الخلق اجمعين سيدنا محمد وعلى اله وصحبه الطاهرين

اللهم امين

عليه أفضل الصلاة والسلام
تسبحو على خير
موااااح ليكم

اللهم صلي وسلم على حبيبنا محمد

[quote="قلب اللوز"]واو ناري يااختي خلعتني انتي بحالي ملي كنخوض شي زيارة كنمشي راسي ممعايا حد وكنغااااامر غير باش نتهنا الفرق انتي بينولك العلاج انا عكسك كنلقاهم داييني غير نزور والدكر والتسبيح وفاش نزور المكان كنولي بحالا تولدت من جديد  [/quote]

الله ينورك اختي مكاينش احسن من الذكر والتسبيح
الله يعينك انا اختي دخلت غمار الرحلة واختبرت كلشي وانا راضية بتبعات الزلات لحقاش عيشة فالعافية وبغييت نطفيها بصح شي مرات طفيتها بالبنزين وتلعلعت لكن فقرار نفسي متأكدة انه لكل آجل كتاب وسبحان من إذا قال للشيء كن فيكون لو اني حسيت من قبل بنسبة 10 % من التحسن والله ما نكمل مشوار البحث لكن العالم بالحال مول الحال ومهما تكلمت صعيب الأمور تنحس مالم تختبر

السلام عليكم جمعة مباركة
فين خليناها سالات المدة خاصني نرجع لدارنا .....انتفاخ في كعبة القدمين جيت حفيانة فالكار مقدرتش نلبس الصباط ماعلينا رجعت فامان الله وحفظه عادي الآلام استمرت لفترة طويلة....الكوابيس المزعجة ديال المقابر والحمامات والنجاسات مبقاتش لكن الأكل بالمنام تضاعف وليت كل ليلة كنحلم راسي كناكل من أيدي أناس غرباء لا أعرفهم ولائم وزردات....اتصلت بالسيد قلت ليه باللي الحال مازال كما هو والاكل تضاعف.....قالي وقت ما سمحت ليك الظروف رجعي
المهم داز شهر وقررت نرجع هاد المرة أخترت ليلة السبت للسفر باش يبقى معايا الوقت قبل الجمعة توكلت على الله ومشيت وصلت مع 6 ديال الصباح تلقى ليا السيد مشيت الدار بدلت عليا حوايجي توضيت صليت الفجر ونعست وانا ناعسة شفت خير وسلام المعالج بغرفة النوم اللي انا فيها قبطني من أظافر الرجلين بزوج ونفضني نفضة وحدة استيقظت عليها تعوذت بالله من الشيطان الرجيم ورجعت نعست حتال 10 فقت فطرت ومشيت عند السيد تفاجئت بكثرة الناس المتواجدين النساء بالداخل والرجال على برا جايين من اماكن بعيدة مختلفة قلت معليش اش ورايا نصبر ونستنى نوبتي جلست فالدروج لكن زوجة المعالج عطاتني كرسي من الداخل قالت لي البرد عليك ابنتي صافي النساء حولي يتحدثن لا يمكنني الخوض بالأحاديث لاني لا أفهم الشلحة الريفية ...شوية حسيت بودنيا بحال الرادار التقط قراءة المعالج فقط هي اللي ركزت معاها هو كيقرى على شي مريض بالداخل وانا على برا بدات عليا الاعراض بقيت كنحرك راسي جيئة وذهابا وكهرباء تسري في بدني نوضتني السيدة للداخل نظرا لحالتي اللتي توحي بصرع وشيك شوية بديت كنردد لا اله الا الله الله اكبر بصوت يفوق طاقتي شوية حسيت بالزيف اللي فوق راسي كيخنقني غادي يقجني اختنقت ومشات المرا كتجري للحمام جابت سطل استفرغت بعدها دخلت مباشرة عند المعالج نظرا لحالتي

سلمت على السيد وجلست قالي باللي تخدمت قبل ما ندخل عندو صافي وبدات الجلسة هاد المرة الم القدمين اختفى مبقيتش حسيت بالحريق مباشرة انتقل للمبايض هاذ المرة الألم كان أشد من سابقه فكل مرة كان كيكون الألم فظيع وكنت كنطلب فخاطري يا ربي ميقيسنيش فالمبايض لان هاد المرة اكيد غادا نموت انتهت الجلسة بسرعة لان المرجو من العلاج تم قبل الدخول على المعالج

كنت ناوية نرجع بعد الظهر لكن الناس اللي مشيت عندهم مشينا كاملين للعروبية ارتحت الأمر لاني مكنتش قادرة على تحمل الألم ...
لكن نهار الاثنين فالصباح مع العشرة مشيت وستنيت نوبتي وتوكلت على الله وانا كنطلب يا ربي ميضرنيش ياربي هاد المرة كان الألم يستدعي دخول احد للمساعدة لان فوضعي مخليتش السيد يخدم كنضرب بكل ما اوتيت من قوة بيديا ورجليا وكنبعد يد المعالج وكنوض دخلت فتاة في مقتبل العمر قبطت يدي بيديها بزوج وحكمتهم مع الأرض لكن رجليا كيخبطو فالحيط وفجميع الاتجاهات ولهلا يوريكم شي باس يارب والله عدويا واللي منبغيهش ومنبغيش يحس هاداك الألم اللي معرفتش باش نوصفو هو شبيه بازهاق الروح كنحس روحي غادا تزهق....انتهت الجلسة
لكن طلب مني العودة بعد الظهر رجعت بعد الظهر هاد المرة بدا الألم كينقص بالتدريج لكن أماكن أخرى حتى هي ضرتني قبطني هاد المرة من مؤخرة الرأس المكان اللي كيتزير ملي كنتعصبو ...
المكان اللي مخطرليش على البال انه ممكن يضرني او انه ممكن نستفرغ تلك الكمية من المواد هو الوجه معقول!
لما قبطني بيد وحدة من عظام الوجنتين صافي جهلت وبديت كنغوت لكن صوتي افزعني اكثر صوت بحال الخوار ديال ثور هائج
ولم ينته الاختناق هاد المرة بسرعة استمر واستمر معه الاستفراغ اعزكم الله وانتهت الجلسة
في اليوم التالي مشيت فالصباح بحال العادة تقريبا الألم اختفى كنتكلم على الألم الفوري وقت الرقية اما الالام اللي كتبقى راها مازال إلى حين كتابتي هاد الأسطر
هاد المرة ظغط على الجهة اليسرى للمبايض والسؤال بعد مدة من القراءة مختلف الالام نفسها وأكثر السؤال مال خوك؟
أجبته بأن عندو مولاتو صافي باغا تقتلو ....
لم اقوى على التحمل هذه المرة ترجيت المعالج واستعطفته لعله يتركني لكن لم يتركني حتى اكمل القراءة ومرر العكاز على ظهري بسلاسة لكن اشتد الألم في إحدى الفقرات الم فاختناق فاستفراغ معرفتش هادك العجب منين كيجي وفين مخبي ؟!
رجعت بعد الظهر جلسة أخرى نفس الشيء بعد الظهر طلب مني نبقى حتى يدوزو شي ناس وندخل بحكم اني غادا نرجع نسافر الغد بالفعل ستنيت حتى دازو شي ناس ودخلت الآلام نفسها لكن ليس بنفس القوة شوية هاد المرة الأخيرة قالي باش إلى قدرت مرة أخرى نرجع من الإحسن وادا كان الوقت منخرجش حتى نخرج معافاة بإذن الله حسب قوة تحملي وقد ما تحملت الألم والحريق يكون احسن
قالي حاجة وحدة إلى مازال عطاك شي حد الماكلة فالليل اتصلي بيا وتهناي راه مبقاش يقدر شي حد يوكلك بإذن واحد احد
صراحة بصح من اخر مرة مشيت مبقيش كليت ....
رجعت فامان الله وحفظه كلي شبه قطع غيار لازم لملمتها هههههه الحمد لله ملي وصلت منعستش لحقاش بديت الخدمة مع 2 ديال النهار خدمت ورجعت فالليل للدار وانا كنموت بالنعاس والعياء استسلمت للنوم و اسفة سادرج الحلم هنا في سياق الحديث ليلتها حلمت خير وسلام اني مع احد الاشخاص على علاقة وهو كذالك في الحلم انا السيد اللي كنعرفو فالحلم كنت كنقلبو على شقة او بيت ..... وكنت خجلة لأن تمة اعين تترصدنا لقينا غرفة وبديت كندوز الستائر باش ميشوفوناش الناس لكن فقرارة نفسي كنقول لكن وهل تجدي الستائر في حجبنا عن أعين الخالق؟ كيف اخاف نظرة الناس واجعل الله أهون الناظرين الي ....وأنا نتسيف على السيد اللي معايا قلت ليه عرفتي اش غادي يجيك مليح انا صافي مبقيتش باغاك والى بقيت معاك عمري غادا ندير شي حاجة والتيليفون اللي عاطيني هاهو حيدت كارت سيم ديالي ورجعت ليه تيليفون ديالو وقلت ليه من اليوم انت من طريق وانا من طريق ردة فعل السيد صدمتني فالحلم لان السيد فالواقع طيب
فالحلم حتى هو تسيف ليا وقالي بالحرف بغيتي تفرقي معايا اممم واخا ولكن عرفتي المعاملة اللي كانت قبل عمرك تحلمي بيها وغادا تشوفي معايا أيام كحلة قلت ليه اللي فجهدك ديرو وخرجت انا من طريق وهو من طريق موالف كيوصلني هاد المرة ركب فسيارتو كأنه لم يعرفني يوما وانتهى الحلم....ملي فقت مشيت كنجري للتيليفون يحساب لي بصح رجعت ليه تيليفونو ههههه
لكن حسيت بعيني ماشي هي هاديك مبغاتش تتحل جريت للمرايا لقيت عيني مسدودة ومنفوخة وحتى الحاجب منفوخ تخلعت فالاول قلت يمكن ميكروب دخل من الكار لكن عيني فيها ميكروب وحاجبي مالو حتى هو ...بقيت كندير كمادات ديال الثلج لعل وعسى تتفش لكن والو شفت حتى عييت وخليتها واللي شافني يقولي ناري مال عينك بحالا ضاربني فيها شي حد
فالليل اتصلت بالسيد وقلتها ليه على عيني سولتو واش طبيعي؟
قالي لا ماشي طبيعي مخاصش عينك تنفخ بهاديك الطريفة الألم ممكن لان حتى هي ظغط عليها مع الوجه والجبهة والحواحب
قالي نخلط ماء -زنجبيل -سكر -خل ...نشربهم وندوز على عيني صافي درتها ملي مشيت الدار فاللي بقى الانتفاخ يومين من بعد رجعت عيني كيف كانت وهادا ماكان.......

احبابي في الله
أحلامي تغيرت تمة تهديدات بالقتل وحصار من كل جهة لكن جميعها تنتهي بتدخل الشرطة والقوات المسلحة...وشي ناس سيفيل يعني هم ينتمون للشرطة لكن لابسين عادي وكيتربصو لاعدائي وفمرة كنت بين خنجر طفل في عمر 15 سنة مخفتش منو لكن الخنجر اللي فيدو وبغا يغرسو فجنبي اللي بصح كيضرني افزعني فالحلم وكان حدايا طفل عندو 4 سنوات قلت ليه سير كلم ليا هاداك البوليسي وهاداك المخزني راني فخطر الطفل بسرعة البرق احضر المساعدة لكن الشرطي المتخفي هو اللي فتك بالعدو وارداه قتيلا ....
الأمر اللي حيرني هو ان الولائم والزرود مازال كينة فكل ليلة لكن هاذ المرة انا اللي كنوكلهم وماشي اكل شهي او اللي كنحب انا لا اكل غريب حاشا وجوهكم العزيزة فضلات وبراز واكل عععع ( اسفة على ذكر هاد الامور ) ومازال كياكلو من يدي انا صافي تسدت شهيتي مابقيتش كناكل بالليل اسفة لإدراج الاحلام هنا بغيت نفيد ونستافد والله يحفظكم من شر الانس والجن ولهلا يوريكم باس ولا فاحبابكم......

طولت عليكم سامحوني راني حطيت اللي كاين كما هو بلا زيادة أو نقصان
ليلة الأمس حسيت بارتعاش وتصبب العرق البيت اللي كننعس فيه كلشي مسدود حس البرد مكاينش انا كنعرف ان الريح كيخرج من البطن لكن انا حسيت بريح خرج من راسي واخر من فخدي وتكرر الأمر بمناطق أخرى من جسدي حتى مابقيت عرفت اش كيوقع بحالا جسمي مثقوب وكنتنفس منو بقيت كنصلي على النبي نصلي على النبي حتى غلبني النوم ملي نعست شفت خير وسلام اني لابسة فستان أسود جميل ديال السهرات وكأني معروضة وكينة شابة في مقتبل العمر مشكوك فامرها تتجاجر بالنسوة وتعرضهم على شيخ ثري انا كنا فسوق كبير كانت الشابة تغريني بالالتحاق بها لكن انا كنت كنقلب على الخبز ولم تغريني المواد المعروضة للبيع واللي كلها مأكولات اصريت على البحث على الخبز من أجلي ومن أجل عائلتي اللي باغين حتى هما غير الخبز مررت من مكان فيه رؤوس خرفان مبخرة واخرى دسمة وكرعين ديال العجول والخرفان دزت من فوق أرض دسمة دسمة وتمشيت بشوية خشية أن اسقط في داك المكان الغريب لما خرجت نادتني امرأة كبيرة قالت لي علاش كتقلبي قلت لها راني تودرت فهاد السوق العامر ومالقيت اللي يدلني لبائع الخبز والكل باغي يوكلني صحة اكل لا أريده والمراة شابة باغا تبيعني لغريب ثري صافي عيييت بغيت غير الخبز نديه لدارنا ونمشي فحالي ونظرت لرجلاي فاعجبني جمالهما قدماي جميلتان جدا ولابسة جوارب شفافة زادت من جمال القدمين قالت لي المراة اجي تبعيني راك تعطلتي بزاف وعييتي فالسوق وخاصة تاخدي الخبز وتمشي فحالك ترتاحي ومتبقايش ترجعي وداتني معاها وراتني مول الخبز اللي كان فمكان بعيد من كان فزقاق اخر وانتهى الحلم وخير اللهم اجعله خير يارب
وهادي القصة من ألف إلى ياء لكن اكيد ملي نرجع لعند السيد المعالج نعاود ليكم اش وقع والحمد لله على اي حال

[