وصفة لتسمين الخدود وتوردها والجسم للي يحب كذالك

من طرف **نور القلوب** الخميس سبتمبر 29, 2016 11:23 pm

وصفة كتبتها لأخت عزيزة وحبيت أنتم كذالك تستفدوا منها لانه من مجرباتي نقلا عن والدتي الله يحفظها

هي لتسمين الخدود وتوريدها والجسم باش تكوني منورة كيف البلارة الصافية

كنت نديرها لوجهي والجسم صراحة مرة مرة لانه كان يسخفني الحمام ونتعاجز نديرها

شوية اداد مطحون مع عكر فاسي جهد راس الوقيدة و عصير نصف حامضة مخفف بالماء شويش

من وراء ماتكملي الحمام تستعمليه كماسك للوجه وحتى ذاتك الى بغيتي البياض في الجسم و دخلي السخون واحد عشرين دقيقة ومن ورآها تشللي مزيان وخرجي في حالك من الحمام

وصفة تاع الوالدة لانها بيضة وكانت تديرها باش تحافض على البشرة ديالها

والى وزوزت ليك البشرة وحسيتي بحال الى تيحرقك ماتخافيش راه اداد والحامض هداك اللي يخليك تحسي هكذا لكن الى زاد عن الحد فعرفي انك دبرت جلدتك او وجهك بالكيس والماسك طبيعي يحرقك فالاحسن تغسليه بسرعة
او الى عندك البشرة حساسة بزاف كذالك من الاحسن ماتستعمليه من الاول

من وراء هاد الماسك انصح بقوة الابتعاد عن الشمس او قضاء اي مشاريع بالهواء الطلق تاجيلها ليوم اخر

لكن على العموم الابتعاد عن الشمس مطلوب في هذه الوصفة لانها تتبيض البشرة نتيجة تقشيرها وكذالك تنفخ الحنيكات هههههه

بالصحة مسبقا وشي دعوة الخير

نور القمر

من طرف **زهرة** الجمعة سبتمبر 30, 2016 6:17 am

سلام نوارتي الله يجازيك بالخير
نموت على الحنيكات ساعا ختك والو مجلدة هههه
واش الداد هو لي ينفخ ؟؟ انا جربت بزاف وصفات وما نفعو وانا اصلا ضعيفة واش كاين امل ههه

من طرف **fara7** الجمعة سبتمبر 30, 2016 6:15 pm

السلام حبيباتي عواشر مبروكة وسنة هجريةسعيدة الله يدخلها عليكم بالفرح والسعادة
نور القمر
تبارك الله والصلاة على النبي وصفة غزالة الله يعطيك الخير حبيبتي

من طرف **نور القلوب** الجمعة سبتمبر 30, 2016 11:50 pm

زهرة حبيبة

ماكاين وصفة تغلظ الحنيكات دائماً إنما هاد الوصفة اداد والحامض الي تينفخوا الحنيكات مع الاستمرارية لكن فقط مرة في الأسبوع لا اكثر

ومفعولها بحال تلى كلت الفلفل الشطة وكانت قوية وتنفخوا شفايفك لمدة نهار

تيديروها بنات الي عندهم الشفايف رقيقة بزاف باش يعرفوا يعكروا داك النهار ههههه

وصفة اداد الي حروف الزين عندها غلاظ زعما وجها غليض الانف غليض مثلا تقاسيم وجها غليضة غير تبعد منها لانه غادي يولي وجها كيف الخبز الفطير منفخ

وكيف قلت مرة فقط في الأسبوع الله يخليكم لانه اداد راه عنده درجة سمية الى كثرت فيه يعني مسموم الى فات الاستعمال القياس والدوز المقبولة

العكر الفاسي كذلك راس لوقيدة للوجه راه كافي وإلا ولى وجهكم حمر كيف الكلوون

الحامض يقشر الجلدة لذا عليكم بالدار نهار تديروا هاد الماسك و الايام الاخرى خرجوا لكن الايكخون واقي الشمس ضروري والا نتيجة عكسية و يطّلع الكلف
وتفاداو الشمس قدر الإمكان يكون أفضل

هاد الوصفة اشهد انني شخصيا كنت نشوف الوالدة في شبابها محافظة عليها لانه تبيض وتنفخ الحنيكات المفشوشين ههههههه

فكرتني فيها الغالية فرحة دبا نرجع نديرها ننفخ شويش الحنيكات راه تبيسوا هاد الايام هههههه

من طرف **fara7** السبت أكتوبر 01, 2016 12:29 am

بارك الله فيك اختي العزيزة وشكرا على التوضيح انشاء الله نبقى نديرها مرة بالأسبوع
انا جسمي مكيضعافش بزااف ولكن وجهي كينقص بزاااااف

من طرف **سميه 2** الأربعاء أبريل 26, 2017 11:55 am

وينك ووين وصفاتك يالغالية

قلبك الكبير هو الغالي الله يعفو عليك وتكوني لالة العيالات

ودعوة اللهم انك عفو تحب العفو فَاعْفُوا عنا لو علمنا قدرها كنا دعينا بيها ليل ونهار

قبلاتي غاليتي

من طرف **fara7** الأربعاء أبريل 26, 2017 1:50 pm

اللهم انك عفو تحب العفو فاعفوا عنا

من طرف **fara7** الأربعاء أبريل 26, 2017 6:58 pm

صراحة لن أخفيكم الحقيقة اللتي توصلت لها بعد مروري من عدة مراحل بالعلاج انا من قبل سنتين كنت اعاني من الهالات السوداء والانتفاخ الغير الطبيعي لها لكن سبحان الله من يراني الان يتعجب التغيير الدي طرأ علي الهالات السوداء اختفت بالتدريج وحتى الانتفاخ والخدود أصبحت موردة طبيعيا تبارك الله والصلاة على النبي اللهم ادمها نعمة وامنعها من الزوال
على حسب رأيي الشخصي ممكن الأمر يتعلق بالسحر الماكول اللي كنت اعاني منه او ربما الحالة النفسية المصاحبة للعلاجات لاني الان وبعد سنوات طوييييلة لم أشعر براحة نفسية كما الان حتى النوم (اللهم بعض الايام الله لا يعيدها والله ينجيكم من المرض) هو مرض روحي مع العلاج صار عضوي
لكنه مؤقت الحمد لله على نعمة الصحة وعلى كل النعم اللهم ادمها علينا يارب يا كريم هذا رأيي في ما يتعلق بتوريد الخدود لان اختي وامي لاحظتا الأمر وقلن لي ماشاء الله وجهك ولى منور وتدفقت فيه الدماء من جديد
فلك الحمد ربي ولك الشكر

من طرف **fara7** الأربعاء أبريل 26, 2017 7:00 pm

والان ساعيد الوصفة وزيادة الخير خيرين
بارك الله فيه نور القلب ومهجة الفؤاد

وصفة لتسمين الخدود وتوردها والجسم للي يحب كذالك

وصفة لتسمين الخدود وتوردها والجسم للي يحب كذالك

رد: وصفة لتسمين الخدود وتوردها والجسم للي يحب كذالك

رد: وصفة لتسمين الخدود وتوردها والجسم للي يحب كذالك

رد: وصفة لتسمين الخدود وتوردها والجسم للي يحب كذالك

رد: وصفة لتسمين الخدود وتوردها والجسم للي يحب كذالك

رد: وصفة لتسمين الخدود وتوردها والجسم للي يحب كذالك

رد: وصفة لتسمين الخدود وتوردها والجسم للي يحب كذالك

رد: وصفة لتسمين الخدود وتوردها والجسم للي يحب كذالك

رد: وصفة لتسمين الخدود وتوردها والجسم للي يحب كذالك

رد: وصفة لتسمين الخدود وتوردها والجسم للي يحب كذالك