ادخلو فهموني المشكل في خويا ولا في النساء اللي يتزوج بيهم

مساء الخير

حبيت نحكي معاكم في شي.عندي خويا تزوج مرة الاولى من وحدة الحق كانت معانا مليحه.6 شهور ومن بعد خويا عاون خويا لانه مكانش عندو وين يسكن.عطاه دراو.قالو كملها واسكن انت عندك اولاد.ومحتاج وهنا تنفجر القنبله.راحت دارهم وعيطتلو ومسكين راح على نيته.لكن اهلها ناضو ليه وعلاه وكيفاش تخليه يسكن.في دارك وطلبت تسكن وحدها خويا.قاللها نسكن لما يكون عندنا اولاد.مهم امورهم وصلت لطلاق.طلبت امي انه يرجعها قاللنا لا كاين امور ماتعرفوهاش حتى رقاد ومانرقدش من تحريضها ليا..تم الطلاق.وتزوج مرة اخرى في الاول كانت ماتردش الكلام وبعد ولادتها لمولدتها تغيرت معاه وهو يهدر كلمه وهي عشرة.البارح دابز معاها جاء لعندي كلمه ماحكاها غير راقد..غاضني.هو انسان حنين ويديرلهم غير واش يحبو.حتى خدمه خلاها تخدم.ويحوس معاها على خدمه.

سلام سميه أش خبارك و كيف عامله إن شااء الله بخيرو على خير
سبحان الله غريب أمر أخوكي

راني بخير ياعزيزتي نحمد ربي كل وقت.تعرفي راني في سورة الانعام.لاني مازالت نقرا القرآن.كيما نصحتيني

شفتي والله مافهمت فيه والو..زواجه الاول حتى رجع برقيه باش تخطى هادوك المشاكل.كانت مرات كي يدابز معاها من زعاف يلقاوه مصروع..ودوك قلنا الحمدلله تهنى.رجعولو نفس مشاكل زوجته حابه تتحكم فيه.

الزواج علاقة غامضة مايعرف آش ما بين زوجين الا الله سبحانه وتعالى

انا ماشي مع او ضد اي طرف لكن ممكن نعطي رأي حيادي ومنطقي في نفس الوقت

لما اخوك أعطى اخوه الثاني يسكن في داره لانه هو باقي ماعنده اولاد هذا خطا

نقول ليك علاش لانه لو اجره لأخوك ففيه خير للطرفين ولو بثمن رمزي لانه الايجار يخلي الأخ الكبير يحط في باله انه خدمة من اخوه وعندها مدة معينة يعني مدة قصيرة جدا لانه أكيد بعد اشهر معدودة راح تجيه اولاد ويحتاج البيت متاعه

والإيجار ان شاء الله يعطيه لوالديه او لأولي القربى المحتاجين وكيف قلنا ثمن رمزي حتى الأخ الاخر يعرف بقيمة المساعدة الي قام بيها اخوه الثاني

لو اخذ الدار ببلاش صعب يخرج منها وممكن يعاند وياخر خروجه وتصير مشاكل
لكن مع العقد القانوني لازم يخرج

كذالك هاد بنت الناس حتى هي ترتاح انه حقوقها غير مهضومة وان البيت هي ورجلها أولى باستغلاله ولو نقديا وممكن حتى قدامها يُبين انه يأخذ ايجار وفي الواقع لا لكن العقد مهم جتى يعرف يأخذ الدار وقت ما يحتاجها

ولازم يعطي ويعلمه بوقت كافي لاخوه حتى يلاقي دار اخرى حتى يتفادوا المشاكل

والله سبحانه وتعالى أوصى بكتابة العقود او رهان مَقْبُوضَة
تفاديا للمشاكل والقطيعة

الزوجة الثانية مانعرف ظروفهم لكن ماشي عيب يخليها تشتغل وأي اتفاق هما يريحهم هداك حياتهم لكن اي خلاف يوقع مانرجعوش نقولوا راه دار ليها وفعل ليها وهي واعرة ممكن هي فعلا كذالك لكن الله اعلم علاش هي هكذا
وهو مكن مساعد بزاف بس أكيد عنده شي حوائج غير مرطه هي الي تعرفها فيه


شحال من واحد زين لكن عنده طبع ماشي زين مع مرطه واخا يكون تيدير ليها كل شيء الي بغات
وشحال من واحد يبان من برا ظريف و سكوتي وما يغوت والمرأة تدير الي بغات لكن عوج وغير مرطه الي تعرفه مليح


أكيد كاين رجالة ماعندهم زهر مع عيالاتهم واكيد كذالك نساء ما لقاو رجالة ملاح

وصدقوني احيانا اذا احنا المظلومين سواء كنا امراة او رجل فأكيد عندنا نصيبنا من الخطا حتى خلينا الطرف الاخر يتعدى حدوده معانا بحجة العشرة وووو الخ الخ

تقبلي رايي ونتمنى اخوك يولي لباس في حياته ويعرف خطاه فين كاين لانه الطيبة احيانا هي سبب مشاكلنا

كلامك على الراس والعين.وكله صواب..ومن حيث مسألة اردار خوبا عندو فيلا يعني كل واحد في دور خاص بيه..
وكيما قلتي علاقه بين زوجين غامضه..الحمدلله انا ماندخلش في مشاكل اي واحد منهم.ادا قدرت ننصح ماقدرتش نسكت..على هادي علاقتي هايله مع نساء خاوتي كلهم..ونحب نشوفهم مهنين.
المشكل مافهمت فيهم والو.وانا كل مرة نحط روحي مكانهم.لاني امراءة مثلهم..الله يهديهم الكل

اختي الوقت ولات تخلع ممكن الآخ يعاون خوه مافيها باس لكن بعض الأحيان بعض النساء تعمل جهنم ليهم ويصدقوا الإخوة أعداء الله يستر
فبعض الأحيان التيقار ربيع كيف نقولوا في المغرب

فكرت لوحده لكن في نفس البيت صدقيني راح هداك الزمان الي الناس تتعاون حاليا تخلي ديالك وتطلب السلامة احيانا والله

وزوجات اخوك كذالك عندهم نصيبهم من الخطا انه مفضوحات علاش مايستروا حياتهم يتشاجروا غير بيناتهم بلا ما يسيق ليهم حد الخبار

ولو كانوا شاطرات بالمهل والحكمة يتفاهموا معاه ماشي الدبزة لانه اخوك باين مساعد

انا قاعدة نحلل على حسب المعطيات الي قلت والله يهدي ماخلق

السلام عليكم
حبيبتي
مسألة مساعدة الأخ ماهي حرام ولا عيب ولكن ربي سبحانه وضع شرع حتى بين الأخوة باش مايوقعوا مشاكل بعد مدة...
أما فيما يخص أخوك مع نسوانه السابقة او الحالية حتى شي حد ما يقدر يحكم فالأمر لأن زوج وزوجة وحده ربي يعلم اش بياناتهم
كاين مشاكل اللي تنبع من مكان يعتبر طابو الحديث فيه
أخوك طيب لكن على حسب حكيك ليس صارم
كاين نوع من النساء يستخففن بطيبة الرجل ويحبو يركبو ويدليو الرجلين
هاد النوع ما تصلح معاه الطيبة خاص الرجل يحكمها ويفرض رأيه عليها وكلامه يكون هو الكبير هذا مجرد رأي شخصي حبيبتي
مايمكنش تتدخلي لفك النزاع كيفما كان الحال
لكن ممكن تتكلمي مع خاك ماياخدش الأمور بحساسية لأن الحياة لا تخلو من مشاكل غادي يدوز حياتو كاملة مرهق ويضيع عليه الاستمتاع بنعمة الحياة وشحال من رجل خاصاه امرأة وشحال من امرأة خاصها راجل
الإنسان يتزوج يكمل دينه باش يرتاح ويتهنى ماشي باش يعيش صراعات عمرو عاشها والله يصلح ذات بينهم ويريح بالهم ياربي

ايه خويا ماشي صارم..عكس اخوة اخريين..
وحتى نساهم يصرا لعجب وماتسمعي ادا ماقولولنا هوما.وهدا عكسهم الحرب تنوض .الله يرح بالهم وخلاص..مانقدرش نجي مع واحد فيهم هداك خويا وهي مرت خويا وامانه عندنا..

ومسألة البيت عندكم الحق وقالتها ماما.نخاف غدوة يكبرو ولادهم ومايتفاهموش..ان شاء الله يلقى دار ويسكن وحدو.